حوار بين اثنين اصحاب
لما الصاحب شاف صاحبه حزين
فقاله:
يا عم ساكت ليه
زعلان ولا ايه
ياسيدي ماتقولي مالك
طب ايه اللي مغير حالك
مالك ساكت علي طول
ولا حتي بقيت تقول
أي كلام وخلاص
**
رد صاحبه وقال
انا اصلي خلاص مليت
ومـ اللي بشوفه بكيت
كله عمال يهلب
وفـ اللي قصاده يقلب
ولا حد بقي عنده ذمه
كله ملهي في اللقمة
وخلاص مات الضمير
والنفاق بقي حده كبير
ولو قلنا الحكام
الدنيا تقوم ما تنام
همهم فلوس ففلوس
وعلينا كله يدوس
وخلاص نسيو الامانه
وحولوها إهانه
كلامهم كلو نفاق
ولا في للخير سباق
عرفت يا صحبي مالي
وإيه اللي مغير حالي
ولا أقول كمان
كلام لكل إنسان
دا إحنا ضيعنا الصلاة
وقيام الليل نسيناه
ولا بقي في زكا ولا صوم
واللهِ علينا اللوم
طب ما كله يصلح نفسه
يعرف إن فـ دينه عزه
والكل يرجع لربه
ويحاول يوفيلُو حقه
في العبادة وخلافه
هنلاقي كلو اتظبط
والحال مبقاش متلخبط
ونحكم بالدين من تاني
ودي ابسط الأماني
والعدل بينا ينتشر
وكلو يبقي بالمفتشر
ويروح زمن المتغطي
وكلو ع الدرج يوطي
عشان يحط فلوس
او يسلم ويبوس
والبوسه طبعا عارفنها
سيجاره إحنا لفينها
بنديها للموظف
عشان دماغه ينظف
عرفت بقي يا صحبي
حالنا وصل لأيه
دي مابقتش أمه يا بيه
دي بقت وكاله من غير بواب
***
بقلم : عمووووور
تعليق