السلام عليكم ،،
أول شيئ أحب أشكر القائمين على هذا الموقع ، جزاكم الله خير....
وهذه مشاركة بسيطه عباره عن رد للشاعر محمد السهلي ..بيض الله وجهك يالسع=هلي ..
عز الله أنك شاعر واللي يضايقك يضايقنا ..
وأتمنى تحوز على رضاكم ،،
.
هذه قصيدة السهلي ...
***********

ارتجف غصن القصـايد وانحنى لي يا جلال
.................... يوم جيته بالكرم نبع المشاعــر لــه يسيل
ذاك بدري اقتـدي بـه بالدجـــــا وســط الليال
................... والمساري ما غدت إلاّ على البـــدر الدليل
وإن كسى بدري غيـومٍ انجلت وقت الزوال
................... والبدر إلاّ البدر يتعب على وصف الجميل
والغيوم إللــّي بـــدت لك لا تحيــل ولا تحال
................... أقطف المعنى من أزهار القوافي مــا تميل
المكارم في خفوقــي تنتهي بعذب الخصال
................... وانت خير العارفين وذكــّر الخبـــل الهبيل
إن نواني في سيـــــوفٍ قلــه محمــد محـال
.................. قلــه يكـرم مــن قبيلك والرجــل طبعه ثقيل
ابتسم للظاميــــه بنـت العـــرب ذاك الخيال
.................. السراب اللــي تشوفـــه دون عثــرات السبيل
تلتهي بأول سفرهـا عندهـــا لعـــب ودلال
................. والنهايــه مــــا لقـت من غيرهـــــا احدٍ هزيل
يا جلال ارسل حروفك في مثالٍ بعتــــدال
.................. والله انك فــي عيونــي رجل مــا منــك مثيل
بختم أطراف القصيده ما بقى عندي مجال
.................. وانتظر ردّ القصيده في سمـــى نــــور الخليل

وهذه قصيدة الخالدي
************
ياهلا باللي طلبني والطلب لوهو محال
......................... كان أجيبه له وأخلّي من غلا عنده ذليل
هزّني هرجك وأنا اللي صابني مِنُه إرتجال
........................ يامحمد يامحمد عندي مافي لك مثيل
الكلام اللي تقوله ياولد جاب الهبال
........................ كيف ياولد النشامى معترض دربك هبيل
أشهد إنّه يامحمد جاهل وزايد دلال
....................... ماعرف قدرك ولاهو داريٍ همّه طويل
خبل عدّه من غنمكم والله ماهو من الرجال
...................... إن تعدّل والا خلّني مابها شي مستحيل
بيني وبينه كلام وجاهزٍ عندي العقال
..................... إن تأدب وإلا تدري نعدّل اللي فيه ميل
والله انك يامحمد عندي بشموخ الجبال
.................... لا تهزّك ريح حاسد ماشفى منك الغليل
مهما كان وصار ومهما قيل يامحمد وقال
................... كلّن يعرف الحقيقه .. من غبا عنّه سهيل ؟؟!!
ياسهلي لاهنت وامسح مابدر مِنُه بجلال
..................... والدوا عندي وانا اللي خابرٍ ذاك الهزيل
أبدع المعنى وقلّي ماكتبته بالغزال
...................... إتحف الساحه ياشاعر عندنا وزنه ثقيل

وهذه قصيدتي المتواضعه
*************

البدايه بالتحيه والسلامه لرجال0000 الرجال اللي لهم وقفات فارس فوق خيل

العشير اللي مكانه عالياْ صعب المنال000يامحمد يارفيقي ياعسى عمرك طويل


شاقني طيب المعاني منك و ماقصر جلال0000هذا حبرن فالورق بوزان شعرن لك يسيل

يامحمد لايهمك كلمتن جت من هبال 0000 الردا ماله طبيبن غير سيفن له صليل

ولايكدر خاطرك ورعن يبي يعقد حبال0000 عايشن له في وهم...وهمه توليع الفتيل

راحت اسلوم المراجل واصبحت ذكره تقال0000في زمان انشوف به حصني على ذيبن يعيل

.عارفين كل العلوم وباخصين طيب الفعا... يامحمد عارفين افعولك وساسك اصيل



ياجعل بيني وبينك ينعقد حبل الوصال000 شاعرن قرمن ولك شعرن ايداوي العليل

ياعسى شمسك تشع ولايجي وقت الزوال0000وياعسى وبلك يهل من السحايب و المخيل

وسلامتكم ...