قصيده للشاعر مسفر الدوسري كتبها رثاء لفقدانه والده.. رحمه الله
اللهم ارحم واغفر لوالدي ووالده وجميع اموات المسلمين..


يبـــــــه شلـــونك؟؟
ملل هالكون من دونك..

يبه شلونك؟؟
وتمضي رحلة الدنيا..
بليا طلة عيونك..

يبه شلونك؟؟
وشلون المرض وياك!؟
بعدما هدك بدنياك..

عساها تغمض جفونك؟؟
تبي تدري عن أحبابك؟؟
عن عيون تغنا بك؟؟
عن قلوب دفنها الشوق..
وإذا جاها الغفا جابك؟؟

يـــــبـــه أمـــي تخيلك دوم..

تغني لك مع القمرا..

يـــبـــه واللي خذاك بيوم..

خذا بكريتك عفرا..

خذا.. وياما خذا .. وياما
خذا ناس يحبونك؟؟

يبـــــــه حنا غدينا كبار..
توفقنا وتخرجنا ..
يبـــــــه ماعاد فينا صغار..

يموج بها الزمن كل شيء..
وحنا ما تموجنا..
على ذاك العهد نسري..
نبيع العمر والدنيا..
ولاتخلف بنا ظنونك..

يبــــه شــلونك؟؟
تبي تدري عن أخباري؟؟؟
عن أفكـــــــاري وتــــــــــذكـــــــــــاري؟؟؟
أشيلك داخلي جمره..
وبعيون الحزن عبره ..

تغرقني ,, وتحرقني
أشوفك نجمة تجبر..
مراعيها ,, يراعيها
وأشوفك للرجوله أسم..
إذا شد الزمن تقسى..
واحلم من معاني الحلم..

أحســـــــك مقبـــــــل بكــــــــرى !!!!
يبــــــــــه تذكر زمان مر ؟؟؟؟

لاقالو عمر؟؟
هو احلى مابهذا العمر..

يــبـــه تذكر مجالسنا ؟؟
مقالطنا وسوالفنا؟
وحارتنا ومسجدنا؟
يــبـــه تذكر هدايا العيد ؟
صلاة العيد ؟ وبشت العيد؟
يـــــــبــــــــه تذكر سوالفنا؟؟

لأجــل هذا..
وكــــل هذا..
أقـــــــول اليوم ,, يابــيي
مـــــــلل هالكون من دووونك