كنت اشوف اليوم يومي والعذر لا بد زال ** في عيونك من رساله حبرها الماضي يسيل
يـوم عفتـي هالصداقه ثم عطيتيهـا مجـال ** العطـا مـن بيننـا عصـنٍ رطيبٍ مـا يميــل
اينعت كل المعزه ... شيٍ أكبر من خيال ** والوصــايف لـو وصفنـا شبـّت بقلبٍ عليـل
مـا تـداوى من جروحٍ حملها حمل الجبال ** لـو تصــارحني وترمي كـل حملٍ لك ثقيل
لكـن عنادك اشوفــه فـي عيـونك لا يـزال ** والسبب لو كنت اعرفه لفعـل اكبـر مستحيل
وانت خبرك في خليلك لا تعزوى به رجال ** يرمي عقــاله ويفــزع ليـن ينصر الدخيل
من فعايل جد لي جد وصلت ذيك الخصال ** والجمايل لو فعلنا مــا طلبـنــا مـن جميــل
يكفي اني لو رسمت البسمه بعيون الجمال ** ببتسم من مبسمك وانظم من اوصافك مقيل
اشتكيلي ما خفيتي واطوي حبال الوصال ** كود لو انك شكيتي همّـــك ألقــا لك سبيــل
عشنا في دنيا المصالح والخليل اصبح محال ** كيف لو نلقى خليلٍ بالعطا مـالــه مثيـــــل
الصداقه ... العطا والعون يا بنت الحلال ** والخليل الـّي يخاوي خلــّه في دربٍ طويــل
الغياب الـّي بدر منك ترى ماله مثــــال ** والعـذر مقبــول منـك لـو عرفنـا له دليـل
وان بغيتيها النهايه فالنهايه لك منـــال ** ما عرفت ارجع ولا قلبــي عـرف ابـداً يميـل
بختم أطراف القصيده ما بقى عندي سؤال ** والنهايـه لك سلامـي عــد عينــك مـا تخيل
محمد السهلي
***********
يا هلا و مرحبا بك شاعرن في كل حال ***يبدع المعنى وحرفه يروي الضامي العليل
يا هلا بك عد ما هبت هبوبن من شمال ***للرفيق الي حروفه فيها نغمات الهديل
دايمن لك في القوافي مينا به مرسى وجال ***والثريا بعد شعرك عاف شوفتها الدليل
يا محمد باخصينك مثل حرن فالعلال ***عاسفن عسر القوافي وراقين شمس الاصيل
غرني في يوم غرون زاهين غنج ودلال***طحت في قبر المنايا سبه اللحظ العسيل
آه ياوجهن يضوي مثل قمره في اليال***وآه ياعينن عسيله حاطها رمشن كحيل
مافطنت اني ضحيه يوم شفت الحظ مال***وانكشف بدر الحقيقه من ورى ذاك المخيل
يوم غادرته و انا اللي ناوين نية حلال ***مادريت انها اتسلى و لا تفكر بالحليل
المحبه في فؤادي ما لقيتلها بدال***غير كرهن وسط صدري يشعل بقلبي فتيل
من يساوم بالمحبه جعل عمره للزوال***لعنبو خلن تناسى ولارعى حق الخليل
والنهايه بالتحيه وكلمتن جت من جلال***اتحف الساحه يا شاعر صعب تلقاله قبيل
هادي بن جامع
القاج من اول الموجودين يرد.. عيني عليج بارده...لا تخافين عيني مو حاره... 
تعليق