اما لطمنا العيل والا الطم العيـل
مادام شب النار منـدوب الاطفـا
من ذاق حر القايله يعشق الليـل
ومن شب ضوه ليلة البـرد يدفـا
امسيت في جيلٍ ولاهوب ذالجيـل
واصبحت والا ديرتي شبـه منفـا
واللي حما بيته بطيـرن ابابيـل
ماجيت ادور كل من صـد وقفـا
ولاجيت ابشحذ يانما دلّـه وهيـل
جيتك وجرح الظلم غاديه يشفـا
جيتك بكلمه كنها صعقـة الويـل
ان قلـت تكفـا لاتهـاون بتكفـا
تكفا تراها كلمـةٍ تقطـم الحيـل
لابالله الا تنسـف الحيـل نسفـا
تكفا ترا تكفا لها هـدرة السيـل
في صدر حرٍ ينتف الطيـب نتفـا
تكفا ترا تكفا لها تسّـرج الخيـل
ان كان لك في مجمع الخيل عسفا
تكفا تراني من قـرومٍ مشاكيـل
حماية الساقـه بسيـفٍ وشلفـا
تكفا وتكفـا ماتسـاق لمهابيـل
تكفا تخلّي القـرم لاشٍ وهطفـا
تكفا ترا تكفـا تهـزّ الرجاجيـل
لولا صروف الوقت ماقلت تكفـا
وســــــــــــلامتكم
لشاعر محمد الدحيمي
تحــــياتي
تعليق