السلام عليكم و رحمة الله و بركاته 
عبيد بن راشد اليليلي : شاعر اماراتي معروف و مشارك في شاعر المليون 2
ودي و لكن
ودّي ولكن ويش أسوي بوّدي ----------- الموج عالي والمواني بعيده
ضدّي بحور وعاصف الريح ضدّي ------ والناس تحسبني فرحله سعيده
أمشي بدرب(ن ) به التردّي تردّي ------- والوقت ما يمدي على ما أريده
عزّاه من وقت(ن) مضابي ابتحدي ------أفنيت دربي في ظروف(ن) عنيده
وقت(ن) أناسه دمعهم فوق خدّي -------- والخد ما يحمل دموع(ن) جديده
ناس(ن) أشيل همومهم فوق وجدي ----------- لكنّ همّي منهو الّي يبيده
هدّيت جرحي بس عيّا يهدّي -------- كل ما لجمته قطّع احبال قيده
بيدي طعون(ن) من أثر رمح يدّ ------- ييدّ(ن) تخون الّي وهبها وريده
لو كان جرحي من عدوّي وندّي ----------- آنا لها لو كانت اهيا عديده
لكنّ جرحي من قريب ومودّي ---------- مثل الصدا يفني بجسمي حديده
قادر أزيل الّي بحولي مصدّي -------- وابري جروحي حتى لو هي مديده
بس المصيبه طيب قلبي و عهدي --------- ما بيع دمّي لو نزفني شديده
أهون عليّه اندفن جنب جدّي -------- أحضن ترابه بس ما انقص رصيده
خل الرفاقه والمحبّه تعدّي ---------- لا خير في حب(ن) ذنوبه تزيده
محد(ن) من الزلاّت محصن بسدّي ------- لكن أخاف الّي يحاسب عبيده
خل الأماني تمسك اليوم يدّي ----------- وابدا مع الأيام رحله جديده
لو قلت ودّي ولاّ خطيت ودّي --------- الموج عالي والمواني بعيده
ضدّي بحور وعاصف الريح ضدّي ------ والناس تحسبني فرحله سعيده
ضدّي بحور وعاصف الريح ضدّي ------ والناس تحسبني فرحله سعيده
أمشي بدرب(ن ) به التردّي تردّي ------- والوقت ما يمدي على ما أريده
عزّاه من وقت(ن) مضابي ابتحدي ------أفنيت دربي في ظروف(ن) عنيده
وقت(ن) أناسه دمعهم فوق خدّي -------- والخد ما يحمل دموع(ن) جديده
ناس(ن) أشيل همومهم فوق وجدي ----------- لكنّ همّي منهو الّي يبيده
هدّيت جرحي بس عيّا يهدّي -------- كل ما لجمته قطّع احبال قيده
بيدي طعون(ن) من أثر رمح يدّ ------- ييدّ(ن) تخون الّي وهبها وريده
لو كان جرحي من عدوّي وندّي ----------- آنا لها لو كانت اهيا عديده
لكنّ جرحي من قريب ومودّي ---------- مثل الصدا يفني بجسمي حديده
قادر أزيل الّي بحولي مصدّي -------- وابري جروحي حتى لو هي مديده
بس المصيبه طيب قلبي و عهدي --------- ما بيع دمّي لو نزفني شديده
أهون عليّه اندفن جنب جدّي -------- أحضن ترابه بس ما انقص رصيده
خل الرفاقه والمحبّه تعدّي ---------- لا خير في حب(ن) ذنوبه تزيده
محد(ن) من الزلاّت محصن بسدّي ------- لكن أخاف الّي يحاسب عبيده
خل الأماني تمسك اليوم يدّي ----------- وابدا مع الأيام رحله جديده
لو قلت ودّي ولاّ خطيت ودّي --------- الموج عالي والمواني بعيده
ضدّي بحور وعاصف الريح ضدّي ------ والناس تحسبني فرحله سعيده
سافرت
جف القلـم واتبعثـرت كـلّ الاوراق = وارخت عيوني للموادع نبـع ماهـا
حتى انكتب بالدمع ع الخـد مشتـاق = الخد صفحه والهدب ريشـه بدواهـا
من سافرت جفني من النوم مـا ذاق = كن الجفون تصادقـت ويـا نواهـا
هم الثغر مـع فرحتـه هـم الفـراق = ودم الوريـد يـزف باقيهـا خطاهـا
من بعدها مالي سـوى قلـب خفـاقي = نبض بسمها في عروقه من غلاهـا
مـا للحيـاة بدونهـا جــو واذواق = زالـت أمانيهـا ومـل السّـم فاهـا
طال الصبر في بعدها والصدر ضـاق = والقلب من شوقه تبع درب(ن) مشاها
هذيـك يلّـي خصّـهـا رب الارزاق = بوصاف لا يمكن نحـدد فـي مداهـا
لا سلهمت تاقف لها عقول واحـداق = كن العيون استعبـدت منهـو رآهـا
كن الضيا والليل صاروا بهـا رفـاق = وبها اجمعت سود الليالي مع ضياهـا
واذا انطقت تنصت لها درور الاعماق = واذا اسكتت ذابت لها نجوم فسماهـا
كـل الجمـال لدربهـا دوم سـبّـاق = ولاّ الحيا يسرق شظايا مـن حياهـا
معها الزهر مبصم بعهد(ن) وميثـاق = من خدها ياخذ حلا لـه مـن حلاهـا
ولاّ الكلام اليا حكـت ذوق واخـلاق = كن الحروف اتحجبت تعبـد شفاهـا
لو الهوا يستعبـد نفـوس واعنـاق = والله بعـد الله لمشـي فـي هواهـا
جف القلم من بعدها واضمى الاوراق = وارخت عيوني للموادع نبـع ماهـا
حتى انكتب بالدمع ع الخـد مشتـاق = الخد صفحه والهدب ريشـه بدواهـا
يا دنيا
أنا وش ذنبي يا دنيا اذا بضحك تبكّيني ؟ = أنا وش ذنبي يا دنيا أقاسي الشوق واعاني ؟
أنا شلّي طلبته لي وبلا ذلّ(ن) عطيتيني ؟ = أنا شلّي تركته بس من أوجاعك ولا ياني
رجيتك بس يا دنيا فهالمره تطيعيني = رجيتك بس هالرجوى تشيليني من أحزاني
ولو هي آخر أوقاتي دخيلك لا ترديني = أبا احياها ولو ساعه أبحياها بخلاني
كفايه هجر يا دنيا من الغالي حرمتيني = كفايه أوقات هالفرقى كفايه سنين حرماني
أحبه موت يا دنيا كثر ما انتي جرحتيني = كثر لجروح والآهات وكثر الهم بانساني
خذي كل العمر مني خذي أيامي وسنيني = وخليني معه أبقا أكحل ناظر أعياني
ألا ياليل منهو اللي على طولك يواسيني = يسليني بهمس الصوت ورمش العين غطاني
وحيد أبقى بعد خلي عطيب(ن) من يداويني ؟ = أسير الهم والشكوى أسير الغم واشجاني
غريبه انتي يا دنيا اذا بسلى ترديني = على نفس الطريق اللي الى الأحزان وداني
مدام انك على درب المحبه دوم ترميني = فخلينا من الشكوى وخلينا من أمحاني
ورديلي حبيب(ن) لي على كيفه يمشيني = اذا هو قال لي كلمه ولو بالهمس حاكاني
ينسيني بلا العالم بكلمه هو يلهّيني = ولو اني وسط ربعي أروح بعيد بكواني
أو انك انتي يا دنيا فهذا اليوم تنسيني = مثل مانا جفاني الحظ والفرحه اتّناساني
أنا ألحين خيرتك اذا ودك تطيعيني = يا اني أحيا في قربه أو ان آموت بحزاني !
تخيل
تخيّل موقف العاشق اذا يفقد اعز انسان = وما يبقى له بعمره سوى ذكرى تجي كل حين
ويبقى يقلّب الماضي يبي يلقى الفرح عنوان = ولكن وش بقا منك ياعمري والحزن ثلثين
غدالي الوقت في بعده مثل صفحه بلا ألوان = ويذيل آخرالصفحه دمع وهموم(ن) وجرحين
كأن اللي خلق حسنه خلقه ويا الشعر خلان = اذا يحضر حضر شعره وليمن غاب شعره وين
ونا وحدي بعيد أبقى بلا مينا ولا شطآن = و الا خل(ن) ينسيني عنا ما صابني للحين
وحتى الشعر لي صنته ترا هو باعني بخسران = فلا بو شعر(ن) ان ولاّ رحل ماعاد لك شهرين
أنا بعد القلم من لي يواسيني اليا من لان = نثر دمعه على خد الصحيفه وانكتب سطرين
بعد ذاك الحبيب اللي يزين الوقت لو هو شان = في قربه اقول هوّ الحزن هو وينه أبد م ايبين
هذاك اللي اليا اقبل تحسه انسان غير انسان = كأنه منخلق من نور وقت اللي انخلقنا طين
ترا هو بس من يقدر ينسّي قلبي الأحزان = ببسمه من فم(ن) ما كد نطق به حتى حرف(ن) شين
أنا أدري ما انعصم منا عن الزلات انس وجان = ولكن كيف مدري اشلون زلاته تزيده زين
الا منه حكى يهمس مثل ما تهمس الألحان = ولكن فرق في همسه دفى لنه ولد نارين
واذا هو جا يعاتب غير ما ايبيّن أبد زعلان = ولو هي دمعته اتمنت تشم ازهارها الخدين
أنا بسم الشعر رجواي قلب(ن) هايم(ن) ظميان = أقول ارجع ياكل الحب قبل موت الفؤاد يحين
وهذا نذر يا قلبي وعهد(ن) به غليظ أيمان = لصونه والله واصونه وضمه بين رمش العين
تخيل موقف العاشق اذا يفقد اعز انسان = وما يبقى له بعمره سوى ذكرى تجي كل حين
ويبقى يقلب الماضي يبي يلقى الفرح عنوان = ولكن وش بقا منّك ياعمري والحزن ثلثين
أمسية الشقاوي
أمسيه فارسها شخصي والحفل يبدي أمور = وصفّه الأول يبتديبه وين ما انتي تقعدين
طاوله ومقدم وتسبقني باقه للحضور = هذي أولى أمسياتي ما توقعتك تجين
تذكرين أول قصيده , خاطره , مدري شعور = انرسم في وسط عيني بس مدري تذكرين
كنت أشوف الورد فيدك شوك يتوسط زهور = تسرح الورده فأيدك قبل فيها تسرحين
الجمال ايدل دربه لا بديتي في الظهور = وين ما تمشين يمشي من شمال(ن) أو يمين
العذارى في وجودك جمر يلغيه البخور = كلما زوّد لهيبه عودك الفاخر يزين
تنتشي الدنيا فعيني وتجمد فعيني بحور = مدري يحلى البحر حولي ولاّ هي أرضي تلين
ينخطف سمعي ويبدا يهيم في صوتك عصور = شوق يعلو ع الوله مدري وله يعلو حنين
كنت أقول احكي حبيبي بستسيغ امن الخمور = وقتها قلتي حرام(ن) خاف رب العالمين
ما قصدت أشيا حرام(ن) لا ولالي في الفجور = كنت أحاول اتفلسف مثل شاعر أو فطين
تذكري قولك عن انهم اعثروا ع ديناصور! = وانا امشي في كلامي خايف انك تزعلين!
ما طلع من ذكرياتي الا ضحكات الحضور = أثري انهم سمعوا اللّي دار ما بيني وبين
ابتديت بموت ( زايد ) , كن تعلوهم طيور = وارتفع صوت الدعاء ورجفة الساني تبين
بعدها مالي سواكي يا ( اماراتي ) الوقور = واجب اني أمتزج بك دين دنيا ودنيا دين
والغزل عند (( الشقاوي )) شوق يملابه سطور = أكثره اعتابن مغلف ابجفا وجه(ن) حزين
(انشغال الخلق ) خلّه لا بدى الخافق يفور = و ( سولفيلي ) أقصد ابها خايف انك تنطفين
( ما يعود الحب ) لوّل مع معاناة الصدور = وكل كلمه من ( تخيل ) ليس الا للضنين
ما بغيت الا أكمّل أثر مابه من حضور = مابه الا شخص نفسي وطيفك انتي الياسمين
أمسيه فارسها شخصي والفضا يبدي أمور = وجرحه الأول يبتديبه وين ما انتي تنتهين
اشجره وأرض وسماها وانا مابين الصخور = في مكان(ن) منعزل لا ما لفيته من سنين
يتبع
تعليق