السلام عليكم و رحمة الله و بركاته 
هلال المطيري : شاعر سعودي معروف و مشارك بشاعر المليون 2 .
ضاع الحيا... والكلام الزين ما دله
وجفت وجيهٍ حياها صـب همالـه
ياعاشق الشعر ما احدٍ قايـلٍ خلـه
الا الياصرت مانت بكاتب جزالـه
ياكثر.. ناس الشعر..والشعر ياقله
وكم واحدٍ لو يموت! الشعر ماقاله
لاتندفع مع بريـق النجـم وتملـه
أشوى لك البعد عنه وقربك اشواله
ياحامي الصوت صوتك مابرد غله
لاهو يمين الصحيح ولاهو شمالـه
ياهات كل الحكي والا اتركه كلـه
لاصرت ماتقدره لاتصير مرسالـه
القلب ماهو بجاهـل عـزه وذلـه
لكنّ بعض الرجال اتذلك افضالـه
لاتحطني لغز ثم تموت فـي حلـه
للصدق حاله وغيره له مية حالـه
ماني بمن يكسب الاعجاب من ظله
مثلي الحاله ومثله ماهـو الحالـه
ماشوف فالناس شخصٍ ذم في خله
لو انه يسب في عمه وفـي خالـه
ماني بمسئول عن شرهات خلق الله
هالوقت ياصاحبي من يحصي هباله
ياكثرهم لو بحاسبهم علـى الزلـه
وياقلهم لاحسبت الوقـت وافعالـه
قل الحيا..والحديث العذب مادلـه
وياليت بعض الوجيه يكف همالـه
لا تاخذينـي بالحكـي هـدي شـوي
ما هـو بكيفـي فيـه شـي بقولـه
يا منتهى اللحضـات وبدايـة الفـي
رضاك وحـده منهـو اللـي ينولـه
كن الضنون خيول وارسانهـا يـدي
في غيبتك عـن كـل شـي جفولـه
وش ينقصك لو صرتي الشمس والفي
ما ينقصـك لكـن طبعـك عجولـه
تجملي فـي خافقـي دامنـي حـي
لا مـات مالـك بالمحبـه بطـولـه
تدرين حتى القلب ما عاد هـو فـي
عهدي بقلبي يـوم ضحـك الطفولـه
تمتعـي بالجـرح والنـار والـكـي
تمتعـي بالحـال عرضـه وطولـه
وتعذري قولي خطأ قولـي اي شـي
قولي زعلتي قولـي انـك خجولـه
لي كل شي الا الردى ما هـو بلـي
يغنينـي الله عـن رضـاه وقبـولـه
وتطمني لو قالو النـاس مـن هـي
من يعرف اسمك ما يتجـرى يقولـه
(قديم السحاب) و(بارق الغيث) و(الرعـاد)
تخيلـه عيونـي (تسعـة أشهـر) وملنّـه
و (قف) و(أستدار) و(شاور الحال) بالمعواد
نصتـه الهبـوب بطـاري المـاء وردنّـه
على طاري الغيبه وعذر(ن) رجع مـا فـاد
وش.. علوم جرح(ن) سود الأيام زادنّـه ؟
على غير عاده جبت لك(( دمعتين جـداد))
تبيهـن يوفـن العـذر مـنـك وأخطـنّـه
غريبات ممسـن حالهـن والمبيـت بـلاد
رجنّ (يقطعن المـاد) و(زداد) و(أمسنّـه)
عرضهن جميلاً مـا يبـي فالخطـا نشـاد
عذهـن بصـدق وحاولـن فيـه و أزرنّـه
و أنـا كـان ودي دمعتينـن بـلا ميـعـاد
ليـا تلهـن طــاري غــلا مايـردنّـه
يجنّ بكرامه مـن حسـب للوفـاء ميـلاد
و يفيضـن ود بغيـبـت الـلـي يـودنّـه
((قديم السحاب بماضي الحظ جاء منقـاد))
((رجنّه عيوني)) و((أستخـارن و خلنّـه))
أنا يا بدر مع طاري الصوت ليـن أمسيـت
و أنا لا بعـد هالصـوت جانـي ولا قبلـه
سرى بالخفوق و جيت أجاريه مير ازريـت
سرى بي شمـال و لهجتـه عـودت قبلـه
و انا والله أني خابـره بـس مـا صديـت
قبـل لاعـب بـي يابـدر لعبـة السبـلـه
مـن العـام لا مـل انتظـاري و لا مليـت
سحاب الكـلام ولا انقطـع فالرجـا وبلـه
من العام لا من مـد وضـل الغـلا مديـت
و أنا الوصل وصلي .. بس حبل الغلا حبله
أقول أنت وينك غايب / قال : أحسبك ميـت
دبلني .. و أنا كبـدي مـن العـام مندبلـه
و أنا تحسبني تبـت و إلا قنعـت و جيـت
هبلنـي مثـل نـاس لهالحـيـن منهبـلـه
تتالى على دربه رجـال النعـم و الصيـت
( ويبي هلال يفرق صاحي الوقت من خبله )
و أنا يابدر مع طاري الصوت لين أمسيـت
أبد .. لا بعد هالصـوت جانـي و لا قبلـه
تعليق