بسم الله الرحمن الرحيم

السلام عليكم ورحمة الله وبركاته

الى الأخ جلال الخالدي هذه القصيده اود ان اشارك بها في المسابقه الشعريه واتمنى منك المساعده اذا لم ترى انها منسقه بشكل جيد ولك مني جزيل الشكر

القصيده بعنوان(((ريحة ثيابك)))

تذكرت وهل الشوق وجدد لي معاناتي.........سرى بعروق خفاق نوى يظما ويظمابك

حبيبي ياسبب فرحي وسر اصدق رواياتي.........رجاك اللي بيوم كان من اعز احبابك

حبيبي ملت اللشكوى وملت مني آهاتي..........تطيح الدمعه الزرقا إلى مرت بمحرابك

احبك والغلا بين ولو طولت بسكاتي................انين الآه يفضحني إذا طروك بغيابك

احبك واعترف انك سبب همي ولوعاتي.......رحلت ولا بقى غير العذاب اللي من اسبابك

افكر بك وافكر منك وافكر وش نهاياتي........افكر كيف ماتشتاق وانا المشتاق باتعابك

افكر وش بقى واوصل واريح فيك شرهاتي....افكر كيف لاجيتك ابا ستحوذ على إعجابك

واهوجس باللقاء واسأل متى تصدق خيالآتي.......متى بالقاك ياتايه واعاتب قسوة اهدابك

ألوف الأسئله ماتت وهي تنطر إجاباتي.....يموت الحرف بلساني الى من قلت وش جابك

تعذبني تغنيني وتتلذذ بمأساتي.....................والى مني ترجيتك تصد وينقفل بابك

حبيبي بابتعد وارحل واعاند فيك رغباتي.......عساني لارحلت احساس ظلمك لي ينتابك

حبيبي للأسف حبك تراه آخر متاهاتي..........نسيت الدرب وايام الجروح وريحة ثيابك