يا مساء الخير واحساس العرايس
يا مساء النور واسرار الثمان
للفصول الاربعه هذا انت خامس
وكل ابو اجوائي بحظنك حنان
ما سألت الليل وش يمكن يمارس
فوق كحل اهدابك اتحدى يبان
كيف لا يافاتني بو قد مايس
ياحياتي والبقا يا عويد بان
تملك بقلبي كثر املاك رايس
في وزارة بوش وارجائي مكان
تملك اكثر من صلاحيات أنس
يرضخ لمندوبها رجال وكيان
ما سمعنا حكي واشين واشاوس
من زراني قلت ربي المستعان
لو عذولي بوش واصراره وساوس
قلت يلعن بوش وجدود الجبان
نهجنا من ما مضى وش له نسايس
حاسمين امر العواذل من زمان
انتظاري خوف واستفهام عابس
في غيابك تربك حصون الامان
في غيابك عايش بدنياي حايس
وان ذكرتك قلت يادانه ودان
الشاعر/ محمد الشايع
تعليق