قصيده عن البر والربيع
ياماحـلا والنار يضوي لهبها
في فيضة فيها الحيا مابعد شيف
في خـيمة منصوبة في خببها
ودلال صفر ماشريته من السيف
في مجلس فيه النشامى وأدبها
قصيد ينقونه ولاهوب تصفيف
وسوالف رجال معادن ذهبها
مع قهوة تطرب هل الراس والكيف
والجيب والعدة وباقي زهبهـا
وسمان ماطـبت شـبوك وتعليف
2007 والسست ماسـحبها
شد البلد نقد ولاهوب تسليف
منـوة هل البران غاية طلبها
مطوع العسرات نقرة مع السيف
له شــــهرة ياما عقول سلبها
( لاند ) مايحتاج مدح وتعريف
وذود شعاع الشمس عنا حجبها
جانا حليبه دون خلط وتغـليف
وشحنة سمر وإرطا من أرضه حطبها
النار عنوانه كروكي وتوصيف
وذبيحة للضـيف لاجا سـحبها
ماحسب حسابه ولابه تحاسيف
وطباخ له خبرة قديم كسبها
ماحاقه الهندي وأوسامه الشيف
هذي مناتي لابطايف ولا أبها
وأيضا ولالندن وباريس وجنيف
هذا علاج النفس ساعة عطـبها
مابي المدينة بين عادم وتكييف
وصلاة ربي عد سيل بشعبها
وعداد مانبت الحيا وأزهر الريف
على النبي الهاشمي من عربها
اللي صدع من دون كذب وتزييف
وسلاااااااااامتكم
مما عجبني ونقلته لــكم من غلاكم
تحـــيتي
وهذي مني لكم هديه اللي يحب حليب النوق
ههههههههههههههههههههههه وش رايكم
جعله بالعافيه على قلوبكم
تعليق