مشاركه جديدة وهي :
قصيدة تحتاج للرد او المجارة ..

ارجو ان تحوز على رضاكم واعجابكم ...

صوب يمــة رفيقي يــوم سارت خطــاي*****
نظـرتي بـه بعـيدة واتحـرى بهـــا
جيت ابي منه حــل .. وجيت ابي منــه راي *****
وجهتة ٍتبـهج الخـاطر .. ويرضى بهــا
يــوم عمست معي الـ أريا وغيم سمــاي *****
فـكرتي وجهت بي لـصدق أصحـابهـا
السعادة بوجــهي .. والشـقــا من وراي *****
والذكــي ماتـفـوته يعـرف اسبابهـا
جيت جرحي عميق .. ورحت اغطرف غنـاي *****
والنـواميس تـبقـا .. عـند كسابهــا
مـا تموت الصداقـه في حـماك وحـمـاي *****
لجل بـعض التجـارب يحسب احسابهـا
وقـفـتك وقـفـتي عن جمـيع اصدقـاي *****
ثم قـالوا يعيش الـلي ..تـبـداء بهــا
انت غــالي وعندك واثـقٍ من غــلاي *****
ومن شـقا في دروب المـرجلـه جـابهـا
البــلاء والذي لابـد يبحث خـفــاي *****
شوف نـاسٍ تهـوم .. وتفـتل اشنابهــا
اصدقـاء فـ الرخا تلحق هـواك وهـواي *****
وفـ الشـد ايد يحـس الرجل .. بغيابهــا
صـاحبٍ فـ المواقـف ما يوقـف معـاي *****
رفـقـته لـعنبوها .. ويـش يبـغابهــا
ونـ زعل قلت للـزعلان غيضك رضـاي *****
وكان قصدك صـداقـه قـفل ابـوابهــا
كيف اقارن ما بين اثـنين رايح .. وجـاي *****
بيّــن ٍمن خـانها والـلي تعزوى بهـــا
من وفـاء بـ الصداقه مستحق ٍ.. وفـاي *****
والـقـمرليـلتـه بيضاء .. ويسرى بهــا
ياصـديق الوفاء طـيبتك تبعد خــواي *****
والـرجولـه هـنوفٍ وانت خطـا بهـــا
ذا قـراري بعد سارت لذاتك خطــاي *****
نـظرتي بك بـعيـدة واتحــدى بهـــا


وســـــــــــلامتكم ،،،
المعذره على القصوووووووور

رباااان