المشاعر خطاوي والمواصلدروب
والمعاذير بلسم والمعاتب غلا
تندثر في عتاب العاشقين الذنوب
وينكسر في شفاة الشامتين البلا
صادق الحب ما يجدي معاه الهروب
وذكريات المنادم صعب عنها سلا
علمتك المشاعر كيف تقدر تذوب
وعلمتني الحراوي قدر كلمة هلا
جيتني عقب غيبة مغتشيك الشحوب
وفي شفاتك معاذير(ن) تكفي ملا
آه ياضمتك لي ساعتين الغروب
اروت اقصى ضلوعي لين جادت كلا
وهمسة الشوق ياهي في حلاة الهبوب
وكلمة احتاج لك ياهي تنقط حلا
ليت لك الف زلة لاجل عنها تتوب
واحتري من وراء اعذارك معانق غلا
بس تدري ترى الغيبة عذاب القلوب
ونار تصلى معاليق آدمي مبتلا
***
للشاعر / سعيد المالكي
تعليق