بت هندسة
أنا راسي جاط مابين
هواك
والدبرسه
الفت عشرين الف
بيت
سبعين قصيدة
مؤسسة
شان اقدر الفت انتباهاها
ومرره اقدر احسسا
وياحلوه يابت
هندسه
ياحلوه
ياحلوه يازينة لبنات
يانجمة الليل والمسه
انا
انا رغم اشكال الشتات
حاضن عواطفك وحارسه
انا في هواك بقيت
فتات
ودخلت عشرين مدرسه
جنيت بي كلمات هواك بي قلبي قاعد
اتنفسه
وياحلوه يابت
هندسه
اكان شوفتي يا ........
بت هندسه
خطواتي دايما بالغلط
خطواتي دايما بالغلط واموري دايما
معكسه
يوم داك
يوم داك مساهر في الهدوم
وكويتا شت شان البسه
لقيت الصباح حقت اخوي
وهدومي قاعدة
مكرفسه
كان للهدوم مامشكله
بشوف لي مصيبة
البسه
لكن
هواك
اعملو ايه
دشدش عضامي و .....
هررررسه
داير لي
داير لي فرصه اكون قريب طبلة
قليبك افلسه
عشان تشوفي هواك كيف
بهدل عواطفي و
دعفسه
كلماتي ليك
كلماتي ليك اتبشتنت
مازي زمان متهندسه
حتى الشعر
الكان زمان كلماتو حلوه مملسه
هسه اتلخم بقا كيف
كده
مافيهو كلمة مهندسه
و
انتي السبب
انتي السبب في كل
..........
ده
يا احلى اسباب
الاسه
انا
انا ياخ بريدك اعمل
ايه وريني يابت هندسه
امشي واكورك في الزلط
ياناس بريد بت هندسه
!!! ياناس بريد بت هندسه
كم مرة قلت اقوم
براي اقعد معاها
و احدثه
لكني مابقدر عديل
مابقدر انضم اونسه
خليك من اشرح ليها حالي
وحبي ليك
....
والدبرسه
ويا ...........
!!!ياهنايه
ياهنايه داير اقول
ليك كلام
اصلو السكوت فيو وسوسه
انا ياملاك انا
بعشقك
وما اظن ارجي المسه
دايرك تكوني لي
حبيبه وابقى ليك حبيب قسه
اكسيك هواي وتلبسيني
نعيم هواك اجمل كسه
ويارب كل عاشق نبيل تديهو
زي
..................
بت هندسه
وترعاها من عين
الحسود من توب جمالك لبسه
وياربي تحفظه لي براي
ياربي تحفظه تحرسه
تعليق