وصلو كلامي في هالمكتوب ياموصلين المكاتيب
للولد اللي ناسي ابوه لعله قراها
ابدا ماعبته ولاني في حرمته امعيب
لاشك انها مابغتني تبعها وبغاها
يطيب حالها لاصار حالي عطيب
اتبخر البيت والمبخر عن داري نساها
اغمض عيني عن حرمت وليدي الحبيب
وجزفتني ابتهايم صدقها ولانهاها
من عقب عينك يا ام يوسف عسى قبرك يطيب
منهو يشبلي الضو ونتي ضواها
منهو غيرك ان تعللت يخاويني والدريول يودينه الطبيب
ياحلاة الدوى يجيني من كفك وكفك دواها
ولهان ودي ازور قبرك جزة رجلي فيني وتخيب
وين اللي يوديني للي الموت وداها
في يوم العيد وداني وليدي دار المسنين وستلمني الطبيب
قال انسى انك ابوي وتربيتي له نساها
يتصل فيه مسؤل الدار وهو على التلفون ما يجيب
بسباب ودي اشوفه قبل موتي والروح يهناها
بلغه يادختور لايتبع قول النسى والجذاذيب
وني امسامحه قبل ماتفنى الروح في فناها
اعذره قدام الخلايق لجل مايجيه العيب
وقول ان اللي طالبن منه يوديني دار المسنين يوم اثباتي عطاها
مدري منين جاك الردى وخالك فاله الطيب
وعمك مابق شي في الطيب الا وسواها
عسى وليدك ياوليدي يبر فيك لاصرت تشيب
وعساه مايوديك دار المسنين وعنك عساها
اتفزز من النوم وحسبنك لي جيت من عقب المغيب
اثر جايني غريب يزور مسنين الدار يوم جاها
كتبت ان حلالي لك في الوصيه عليه شهود قدام الكتاتيب
ون وحلالي فدوتلك وكل الفلوس تفداها
بس بغيت مسجد لي ولمك ارجوك في الوصيه لاتخيب
يقومون فيه الصلاة عسى النار ماتصلاها
يخيب منهو ضيع الوالدين والدين امخيب
مخزي الوجه يوم الدين وصحيفته في شماله طواها
ودي تطوي ياحشيش الجوف صحيفتك في اليمين وتصيب
ارواح تصلاها النار ورواح الجنة نصاها
ويوم سمع قصيدة ابوه مع اموصلين المكاتيب
غدى لبوه الدار وقاله المسؤل جثة ابوك البارحه دفناها.
وسلمتكم
ارجو من كل شخص قرء او سمع هذه القصيدة ويعرف انسان عاق في والديه او اودع احدهما او كلاهما في دار المسنين ان ينقل له هذه القصيدة لعله اعتبر وعاد الى رشده قبل فواة الاوان حينها لاينفع الندم.
ودمتم سالمين
اخوكم....حمد بن يوسف العربيد