أنا الليله على شاطي((البحر)) هاضتبـي الأفكـار
وقمت أشرح ظروفي فوق موج ((البحر)) وأشكيله
********
ألا ياليت صدري مثل وسع(( البحـر)) مايحتـار
تضيعبـه الهمـوم وكـل شعـبٍ ينحـدر سيلـه
********
وقال((البحر؟؟)) لك ربٍ كريـم ومنـي المعـذار
ليـا حسيـت ضيقـة صـدر قـوم أذن وصليلـه
********
وأنا مومـن بحكـم الله وأعـرف أن الفلـك دوار
ولـي مالله عدلهـا مـن هـو يـعـدل الميـلـه
********
بغيت أكتم صوابي مير ضقت وباحـت الأسـرار
وضاق الدرب فوقـي ماعنـا المضيـاق تحويلـه
********
وأنا عارف قسى الدنيـا علـى لوعاتهـا صبـار
شربت الصبـر والعلقـم شربتـه مـن فناجيلـه
********
وألا ياكثـر هـرج النـاس فالمسنـاد والمحـدار
كلامٍ فالسعه وليـا انحصـر ضاعـت محاصيلـه
********
أشوف سنونها تضحك وأنا أعرف ضحكة الغـدار
أعرف الها هدف في ضحكهـا للضحكـه تحليلـه
********
كثير من السلع عنـد العـوارف مالهـا مسعـار
وأنـا داري بهـذا العلـم حسيـتـه وصاحيـلـه
********
طوتنـا أيامنـا طـي الكتـب وسقافـة الأعمـار
ولـو انـا بدينـا فالجبـل وش عــاد تبديـلـه
********
أنا عطيـت اللـي عنـدي اللـي ثقـه وأحـرار
ولـن باقـي عليـه شــي عـنـد الله تكميـلـه
********
ختمناها بذكر الله وصلاه علـى النبـي المختـار
عـدد ماحجـوا الحـجـاج بـيـت الله تلبيـلـه
******************
للشاعر الكبير :عبد الله المسعودي رحمه الله
تعليق