من يحاورني ؟؟؟؟

**صقرالنوايف** · 16-08-2008, 08:27 PM

الرد: من يحاورني ؟؟؟؟

مرحبا في مرحبا ياذيب عاوي
قوم شب النار وأسعفني بدله

..................................

المناوي ماتفيدن المناوي
إن عقدت الحبل من راسي لأحله

.................................

**ابوياسر** · 17-08-2008, 01:30 AM

الرد: من يحاورني ؟؟؟؟

مرحبا وأهلين يالحر النداوي
بس ليته ما أبتدى شعرك ..بزلـّة
بالغدر..للذيب هقوات وهقاوي
والغدر قلبي أنا ...مايستحله

**ابولميس** · 17-08-2008, 08:18 AM

الرد: من يحاورني ؟؟؟؟

نشكركم
محاورة ممتاز
وننتظر المزيد منكم

**ابوياسر** · 17-08-2008, 08:43 AM

الرد: من يحاورني ؟؟؟؟

اضيف في الأساس بواسطة ابولميس

نشكركم
محاورة ممتاز
وننتظر المزيد منكم

وش اللي نشكركم ؟؟؟؟
أترك عنك هالسوالف وطبح معنا يابولميس
خلها ثلاثية وعسى الله يجيب لنا رابع ونقلبها بلوت

وبعدين وينك الله يمحط بشيطانك ؟؟؟
لك مدة مالك حس

لايكون زعلان علينا يالغالي ؟؟؟

**ابولميس** · 17-08-2008, 09:18 AM

الرد: من يحاورني ؟؟؟؟

يامرحبا بالصاحب اللي نباني ..... وانا من اللي يسعفون المباني
ون صفيت النية تزين المعاني .....ياالله علىبابك يافتاح الابواب

هات الخبر ياراع الاخبار ............. هي طيبة والا مريضه

وان كان ونك حر تختار ............. صقر النوايف لاتغيضه

**صقرالنوايف** · 17-08-2008, 02:04 PM

الرد: من يحاورني ؟؟؟؟

مرحبا ياشيخ دندون فداوي
مااجيب الجافيه والشك خله

...............................

الغلاوي دوم في الخافق غلاوي
لو يدور الوقت ماأغير محله
...................................

**ابوياسر** · 17-08-2008, 04:37 PM

الرد: من يحاورني ؟؟؟؟

هههههههههه
أبوك يالعفسة

وشفيك غيرت قافنا يابو لميس ؟؟

**ابوياسر** · 17-08-2008, 04:44 PM

الرد: من يحاورني ؟؟؟؟

اضيف في الأساس بواسطة ابولميس

يامرحبا بالصاحب اللي نباني ..... وانا من اللي يسعفون المباني
ون صفيت النية تزين المعاني .....ياالله علىبابك يافتاح الابواب

هات الخبر ياراع الاخبار ............. هي طيبة والا مريضه

وان كان ونك حر تختار ............. صقر النوايف لاتغيضه

مرحبا بالصاحب اللي لفانا................ لو كان غير قافنا ما أحترانا
منزلك عيني كان ضاق المكانا.............يالله على بابك يافتاح الأبواب

ياصاحبي كان الزمن دار .........عندي القوافي مستفيضة
شلالها تغرق به أنهار ..........ليا أنحدر تسمع قضيضة

**ابوياسر** · 17-08-2008, 04:50 PM

الرد: من يحاورني ؟؟؟؟

اضيف في الأساس بواسطة صقرالنوايف

مرحبا ياشيخ دندون فداوي
مااجيب الجافيه والشك خله

...............................

الغلاوي دوم في الخافق غلاوي
لو يدور الوقت ماأغير محله
...................................

مرحبا ياللي على الماكر شفاوي
ماكره ....ماكل طير يستحله

مايجينا الشك منكم والدعاوي
مايجينا إلا الغلا وأنتم هل ٍ له

**الذبابي** · 17-08-2008, 04:54 PM

الرد: من يحاورني ؟؟؟؟

موضوع

حلو

عساكم عـ القوه

..............................

**ابوياسر** · 17-08-2008, 05:10 PM

الرد: من يحاورني ؟؟؟؟

اضيف في الأساس بواسطة الذبابي

موضوع

حلو

عساكم عـ القوه

..............................

الله يقويك يالغلا
ولايحرمنا من طلتك

يكفينا تشريفك للموضوع

**صقرالنوايف** · 17-08-2008, 07:26 PM

الرد: من يحاورني ؟؟؟؟

ياجماعة الخير القافيه تبعثرت خلونا على قافيه واحده واللي يجي يرد على اللي قبله وهكذا
هالحين خذوا هذا الطرق ونمشي عليه وإذا اراد واحد يغير القاف يخبرنا

سلام الله برديه على اصحابنا الوافين ......... سلام مثل نور الصبح في الأرض الخلاويه
عسى ربي يوفقهم على درب الهدى ماشين ...... أقوله من ضمير صادق من صافي النيه

**عاشق عنود** · 17-08-2008, 09:04 PM

الرد: من يحاورني ؟؟؟؟

مساكم الله بالخير والعافيه

محاوره جميله ومشوقه ....... بس احس انها تلخبطت

انا اقول انها تستمر بالي بداها وهو ابوياسر والي رد عليها الي هو صقر النوايف ...

والحين دورك اخوي صقر

والسموحه منك اخوي ابولميس / بس الظاهر اخونا ابوياسر جاي متهيض

**طفولتي** · 18-08-2008, 05:12 PM

الرد: من يحاورني ؟؟؟؟

السلام علاكم
وش ذا وين القافيه خليكم على قافيه وحد لا تنحرفون عن القافيه >>> جاتك المهايطيه
بديتوا بقافيه خليكم عليه لا ينحرف منها أحد خخخخخخخخ

من يقدر يحاور أبو قلب غاوي
اللي لو ينعقد حبلك هولك يفله
مجنون طرقات وقلبه شقاوي
مايعوقه طول الطريق ولا يمله
حظيظ أخوه ومنهو له مخاوي
وسعيد الحظ منهو مساعدآ له
راعي الطيب وهو للفزعات قاوي

وسلامتكم

وجبر يامجبر
ههههههههههههههه
لكم تحــــيتي

**صقرالنوايف** · 18-08-2008, 07:05 PM

الرد: من يحاورني ؟؟؟؟

الله اكبر وصلت الشاعره

يسلم لسانك والرد سيكون من ابو ياسر خخخخخخخخخخخخخخخخخخخخخ
تحياتي

**ابوياسر** · 18-08-2008, 08:20 PM

الرد: من يحاورني ؟؟؟؟

تصدقون أن العفسة أحسن من النظام أحيانا

المحاورة أحلوت وزادت حلاوة

شاعرنا صقر النوايف وشاعرنا ابو لميس
حطوا القاف الجديد بموضوع لحاله خلونا نمشي عليه
ونستمر بموضوعنا هذا على مبداه
بدل محاورة وحدة يصير عندنا ثلاث
والله يزيد ويبارك

**ابوياسر** · 18-08-2008, 08:37 PM

الرد: من يحاورني ؟؟؟؟

اضيف في الأساس بواسطة طفولتي

من يقدر يحاور أبو قلب غاوي
اللي لو ينعقد حبلك هولك يفله
مجنون طرقات وقلبه شقاوي
مايعوقه طول الطريق ولا يمله
حظيظ أخوه ومنهو له مخاوي
وسعيد الحظ منهو مساعدآ له
راعي الطيب وهو للفزعات قاوي

وسلامتكم

وجبر يامجبر
ههههههههههههههه
لكم تحــــيتي

مرحبا باللي كرهت وارد عرواي
ماتبي إلا العز ..ماترضى المذلة

ماتبي إلا الجمس لامن جاك ضاوي
يشبه مزون السحاب المستهلة

بنت منهو يزبنه خطو الجلاوي
لاأوجس من الضيم ....وسط القلب ملة

بنت شيخ بالعرب ..ماهوب شاوي
نسل من حاشوا علوم الطيب كله

**بنت اسكندرية** · 18-08-2008, 08:47 PM

الرد: من يحاورني ؟؟؟؟

يا ليتنى اعرف اقول شعر مثلكم

كنت كتبت فيكم ديوان فى جمال روحكم واخلاقكم

وظرفكم وخفة دمكم

يعنى اضعف الايمان بقرا شعركم وبحاول جاهدة افهم حاجة

ههههههههههههههههههههههههه

بس متياسوش مسيرى حفهم

**طفولتي** · 19-08-2008, 01:51 AM

الرد: من يحاورني ؟؟؟؟

من يقدر يحاور أبو قلب غاوي
اللي لو ينعقد حبلك هولك يفله
مجنون طرقات وقلبه شقاوي
مايعوقه طول الطريق ولا يمله
حظيظ أخوه ومنهو له مخاوي
وسعيد الحظ منهو مساعدآ له
راعي الطيب وهو للفزعات قاوي
وصل سلامي يللي لمكانه تدله

--------------

أعذروني لأن كان عندي النت كل شوي يقفل
ولم أكملها وكنت مستعجله

صح السانك أبوياسر يللي تلومني بحب الجمس

الجمس الحمرلونه لعيوني مداوي
وحنينه على الخط يبري فيني العله
الجمس ماتخيب فيه كل الهقاوي
الجمس لاقبل يفز قلبي من محله
حبي له مهوب حب عاشق وهاوي
حبي له أكبر من حب الكون كله
يالايمي فيه ماقول عساك للبلاوي
اقول عساك تبلا بحب واحد مثله

لكم كل أحترامي وتقديري

أخالتكم طف طف

من يحاورني ؟؟؟؟

من يحاورني ؟؟؟؟

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع مرتبطة