قصه وقصيدة ابو دباس - هو راشد بن عبدالله بن ناصر بن دباس بن علي آل دباس الودعاني الدوسري يقال انه يسكن بين الخرج والافلاج ومتزوج وله ولد أسمه دباس وبنتين وكان شيخ بين ربعه وناره ماتطفي وبيته مضياف للجميع..
سافر ابنه "دباس" الى مسقط عمان لطلب الرزق وغاب مدة ثمان سنوات و خلال مغيب دباس عن والده تزوج الوالد بإمرأه وكان لها أخوان فأرادوا ان يتزوجوا بنات راشد فرفض راشد ذلك فقام أخوة زوجتة بمضايقته وقطعوا الماء عن مزرعته..
ومنعوه عن شبة النار واتهموا ولده دباس بانه راح يلعب ويشرب التتن فضاق صدر ابو دباس من الوضع اللي هو فيه..
وكتب هذي القصيده لولده*دباس.
ياونـة ونيتهـا مـن خـوا الـراس
من لاهـب بالكبـد مثـل السعيـره*
ونين من رجله غدت تقـل مقـواس
ويون تالـي الليـل يشكـي الجبيـره*
ويامـل قلـب مثـل بـن بمحمـاس*
وياهشـم حالـي هشمهـا بالنقـيـره*
على ثمر قلبي سـرى هجعـة النـاس
متنحـر درب عسـى فيـه خـيـره*
الله يفكـه مـن بـلا سـو الأتعـاس
ومن شـر عبثـات الليالـي يجيـره*
في ديـرة تقطعـت عنـه الأرمـاس
سبعيـن يـوم للركـايـب مسـيـره*
لا والله الا حال مـن دونـه اليـأس*
حـط البحـر والبـر دون الجزيـره*
يا الله يا اللي رد من عقـب الياس*
يوسف على يعقوب وابصـر نظيـره*
ترد علي دباس يـا محصـي النـاس*
يـا عالـم مـا بالخفـا والسـريـره*
يا دباس بأوصيك عن درب الأدناس*
ترى الـذي مثلـك يناظـر مسيـره*
عليك بالتقوى ترى العـز يـا دبـاس*
في طاعة اللـي مـا ينجيـك غيـره*
هاذي ثمان سنين من رحت يا دبـاس*
لا رسالـة جتنـي ولا مـن بريـره*
يا دباس من عقبك ترى البـال محتـاس*
وعليك دمـع العيـن حـرق نظيـره*
وعليك كني في دجا الليـل حـراس*
أصبح على حيلـي وعينـي سهيـره*
أسهر أنا ما بين طـاري وهوجـاس
وطـواري تطـري علينـا كثـيـره*
*
أخاف من حكي العدا ونم الأنجـاس
أهـل الحكايـا الطايلـه والقصيـره*
ويقـال خـلا عيلتـه عنـز الـراس
أقفـى وخـلا عيلـة لـه صغيـره*
والا فأنـا يابـوك قطـاع الأرمـاس
ما نيب مثبـور أو رجلـي كسيـره*
آصلك لو دونك نبا حمـر الأطعـاس*
الصلب والصمـان ماهـي عسيـره*
ننشر من العوده على نـور الأنفـاس
عند الفجـر والليـل مقفـي مريـره*
والعصر با لصمان تسمع لها اضراس
حبل الرسـن خطـر تبتـر جريـره*
نهـار ثالـث بيـن حمـا والأوراس*
وواره يمينـك والدروب الخطيره*
ثـم علـى ساجيـة تقلـب الـرأس*
تمشي بأهلها فـي البحـور الغزيـره*
*
ونلفي بديرة باغـي كيفـة الـرأس
ولا يهمه مـن المخاليق غيـره*
ما قفك ذا يا دباس ما فيـه نومـاس*
يصلـح لقيـن مهنتـه طـق زيـره*
طلب المعيشه بالحراثـه والأ جنـاس*
المشترى والبيـع يوصـف وغيـره*
قم انهض العيرات مع كـل فـراس
يـا دبـاس دور خيـر تستشـيـره*
جدك وعمانك هـل العـزم والبـأس
أهل المواجيـب مكمليـن القصيـره*
يا دباس ما يصبر على البق والحاس*
الا الـذي مالـه بنـجـد عشـيـره*
واليوم يا مـروي شبـا كـل عبـاس*
أنت الرجا يا كعـام وجـه المغيـره*
عشرين عام كلها ارجيك يـا دبـاس
مثـل الغريـر اللـي تولـع بطيـره*
يا دباس أنا يا بوك مـا نيـب بـلاس
ميـر ان عيـلات الرفاقـه كثـيـره*
جنبت وسط السوق وامشي مع الساس
واخذ شوي الحـق وأتـرك كثيـره*
يا دباس لوحملت من حدب الأكيـاس*
مختلفـة مــا بـيـن هيل ومـيـره*
ما لي بها يـا جعلهـا بألـف قبـاس*
او جعلها تذهـب ولـو هـي كثيـره*
يا دباس قلبي كـل ماهـب نسنـاس
شرقيـة هبـت بقلـبـي سعـيـره*
وغصون قلبي يا فتى الجـود يبـاس
غـاد أنـا يابـوك كنـي هشـيـره*
من شافنـي يقـول مبلي بنسـاس
واللـي بـرا حالـي الهـي خبيـره*
عسى يطق البـاب والنـاس غطـاس*
يـا والـي القـدرة عليـك تعبيـره*
وصلاة ربـي عـد ماهـب نسنـاس*
على النبـي عـدة حقـوق المطيـره*
وصلت القصيدة إلى دباس وهو في مسقط . وقراها دباس وندم على تركه لأبوه طول هذه السنين ، وعلى ما أصاب والده خلالها من متاعب من جماعته.
وفهم من القصيدة تلميحات ابوه بأنه علم أنه (طاح في التتن)
كتب دباس قصيدة لابوه ووعده بأن يعود اليه قريبا..
قال فيها.
حي الجواب اللي لفانا من الـراس
جابـه غـلام مـا توانـا بمسيـره*
جواب من هو لي مود مـن النـاس
ابوي مـا يوصـف حلـي لغيـره*
شيخ ضفر كنه على الوكر قرناس
وقـروم ربعـه كلـهـا تستشـيـره*
مهفي الغنم لأهل الركايب والأفراس
لا روحوا لـه ما عليهـم قصيـره*
راعي معاميل بهـا العبـد جـلاس
والبـن يشـري بالسنيـن العسـيـره*
هاذي بمركاهـا وهـاذي بمحمـاس
وهـاذي يصبـه للوجيـه السفيـره*
وخلاف ذا يا راكب فوق عرمـاس
مأمونة مـن نقـوة الهجـن خيـره*
اليا لفيت الدار فاجهر با لأحساس
وبلغ سلامي كـل ذيـك العشيـره*
واختص أبوي اللي نفل جملة الناس
وخصه بعلم وقـل ترانـي بشيـره*
لا يا نقي العرض يا بـوي لابـاس
مايشتكـي من الضيـم مني نصيـره*
وان سايلك عنـي ترانـي بنومـاس
وانا أحمد اللي مـا توسلـت غيـره*
المدح لو يشـرى شرينـاه بأكيـاس
بأموالنا نرخـص لـدور الستيـره*
ابشر بسيف ضربته تقلع الـراس
ومصلبـخ جبتـه معبا ذخيـره*
من صنع نصراني ومشروبه الكـأس
يذكـر ورى جـاوه بعيـد مسيـره*
أبغيه للي حادينـك علـى السـاس
أهـل النمايـم والحكايـا الكثـيـره*
ربع نووا فيـك الـردا والتخسـاس
مهبول يا اللي قال غايـب عشيـره*
علي ديـن لجعل الجمـع ينحـاس
لين العشير يقـوم يلعـن عشيـره*
اما سكنا الدار عز ونوماس
والا نعـاف الـدار ونـشوف غيـره*
كله لعينـا كلمـة قلـت يـا دبـاس
تشكي وانا دونـي بحـور غزيـره*
كانك شكيت الضيق يا بوي لاباس
جاك الفرج يا بوي هـو والبريـره*
يا بوي أنا مارحتنا الكيفـة الـرأس
مع ذا ولاني فـي سفـاه او غيـره*
يا مسندي يا بوي شوف اوكد الناس
ثم انشده قل ويش هو فـي مسيـره*
و الا فانا يابوي قطـاع الأرمـاس
أصبر على الشده ولو هـي عسيـره*
ومن كان له غايب فلا يقطع اليـاس
أن قـدر الله جـاب علمـه بشيـره*
ورجع دباس الديرته بالليل وهدم السد الي حطوه جماعته ورجع الماء لمزرعة ابوه .. فطلع له رجال يريدون منعه فقص روسهم ورماها بالماء..*
في هذا الوقت سمع الابو صوت الماء يمشي بالمزرعه .. قال لبنته : قومي شوفي وش صاير ..*
راحت البنت تشوف وشافت ان الماء فيه دم !*
رجعت لابوها قالت الماء بمزرعتنا بس فيه دم يابوي : قال ابوها ابشري بدباس قومي شبي الناروقربي المعاميل...
سافر ابنه "دباس" الى مسقط عمان لطلب الرزق وغاب مدة ثمان سنوات و خلال مغيب دباس عن والده تزوج الوالد بإمرأه وكان لها أخوان فأرادوا ان يتزوجوا بنات راشد فرفض راشد ذلك فقام أخوة زوجتة بمضايقته وقطعوا الماء عن مزرعته..
ومنعوه عن شبة النار واتهموا ولده دباس بانه راح يلعب ويشرب التتن فضاق صدر ابو دباس من الوضع اللي هو فيه..
وكتب هذي القصيده لولده*دباس.
ياونـة ونيتهـا مـن خـوا الـراس
من لاهـب بالكبـد مثـل السعيـره*
ونين من رجله غدت تقـل مقـواس
ويون تالـي الليـل يشكـي الجبيـره*
ويامـل قلـب مثـل بـن بمحمـاس*
وياهشـم حالـي هشمهـا بالنقـيـره*
على ثمر قلبي سـرى هجعـة النـاس
متنحـر درب عسـى فيـه خـيـره*
الله يفكـه مـن بـلا سـو الأتعـاس
ومن شـر عبثـات الليالـي يجيـره*
في ديـرة تقطعـت عنـه الأرمـاس
سبعيـن يـوم للركـايـب مسـيـره*
لا والله الا حال مـن دونـه اليـأس*
حـط البحـر والبـر دون الجزيـره*
يا الله يا اللي رد من عقـب الياس*
يوسف على يعقوب وابصـر نظيـره*
ترد علي دباس يـا محصـي النـاس*
يـا عالـم مـا بالخفـا والسـريـره*
يا دباس بأوصيك عن درب الأدناس*
ترى الـذي مثلـك يناظـر مسيـره*
عليك بالتقوى ترى العـز يـا دبـاس*
في طاعة اللـي مـا ينجيـك غيـره*
هاذي ثمان سنين من رحت يا دبـاس*
لا رسالـة جتنـي ولا مـن بريـره*
يا دباس من عقبك ترى البـال محتـاس*
وعليك دمـع العيـن حـرق نظيـره*
وعليك كني في دجا الليـل حـراس*
أصبح على حيلـي وعينـي سهيـره*
أسهر أنا ما بين طـاري وهوجـاس
وطـواري تطـري علينـا كثـيـره*
*
أخاف من حكي العدا ونم الأنجـاس
أهـل الحكايـا الطايلـه والقصيـره*
ويقـال خـلا عيلتـه عنـز الـراس
أقفـى وخـلا عيلـة لـه صغيـره*
والا فأنـا يابـوك قطـاع الأرمـاس
ما نيب مثبـور أو رجلـي كسيـره*
آصلك لو دونك نبا حمـر الأطعـاس*
الصلب والصمـان ماهـي عسيـره*
ننشر من العوده على نـور الأنفـاس
عند الفجـر والليـل مقفـي مريـره*
والعصر با لصمان تسمع لها اضراس
حبل الرسـن خطـر تبتـر جريـره*
نهـار ثالـث بيـن حمـا والأوراس*
وواره يمينـك والدروب الخطيره*
ثـم علـى ساجيـة تقلـب الـرأس*
تمشي بأهلها فـي البحـور الغزيـره*
*
ونلفي بديرة باغـي كيفـة الـرأس
ولا يهمه مـن المخاليق غيـره*
ما قفك ذا يا دباس ما فيـه نومـاس*
يصلـح لقيـن مهنتـه طـق زيـره*
طلب المعيشه بالحراثـه والأ جنـاس*
المشترى والبيـع يوصـف وغيـره*
قم انهض العيرات مع كـل فـراس
يـا دبـاس دور خيـر تستشـيـره*
جدك وعمانك هـل العـزم والبـأس
أهل المواجيـب مكمليـن القصيـره*
يا دباس ما يصبر على البق والحاس*
الا الـذي مالـه بنـجـد عشـيـره*
واليوم يا مـروي شبـا كـل عبـاس*
أنت الرجا يا كعـام وجـه المغيـره*
عشرين عام كلها ارجيك يـا دبـاس
مثـل الغريـر اللـي تولـع بطيـره*
يا دباس أنا يا بوك مـا نيـب بـلاس
ميـر ان عيـلات الرفاقـه كثـيـره*
جنبت وسط السوق وامشي مع الساس
واخذ شوي الحـق وأتـرك كثيـره*
يا دباس لوحملت من حدب الأكيـاس*
مختلفـة مــا بـيـن هيل ومـيـره*
ما لي بها يـا جعلهـا بألـف قبـاس*
او جعلها تذهـب ولـو هـي كثيـره*
يا دباس قلبي كـل ماهـب نسنـاس
شرقيـة هبـت بقلـبـي سعـيـره*
وغصون قلبي يا فتى الجـود يبـاس
غـاد أنـا يابـوك كنـي هشـيـره*
من شافنـي يقـول مبلي بنسـاس
واللـي بـرا حالـي الهـي خبيـره*
عسى يطق البـاب والنـاس غطـاس*
يـا والـي القـدرة عليـك تعبيـره*
وصلاة ربـي عـد ماهـب نسنـاس*
على النبـي عـدة حقـوق المطيـره*
وصلت القصيدة إلى دباس وهو في مسقط . وقراها دباس وندم على تركه لأبوه طول هذه السنين ، وعلى ما أصاب والده خلالها من متاعب من جماعته.
وفهم من القصيدة تلميحات ابوه بأنه علم أنه (طاح في التتن)
كتب دباس قصيدة لابوه ووعده بأن يعود اليه قريبا..
قال فيها.
حي الجواب اللي لفانا من الـراس
جابـه غـلام مـا توانـا بمسيـره*
جواب من هو لي مود مـن النـاس
ابوي مـا يوصـف حلـي لغيـره*
شيخ ضفر كنه على الوكر قرناس
وقـروم ربعـه كلـهـا تستشـيـره*
مهفي الغنم لأهل الركايب والأفراس
لا روحوا لـه ما عليهـم قصيـره*
راعي معاميل بهـا العبـد جـلاس
والبـن يشـري بالسنيـن العسـيـره*
هاذي بمركاهـا وهـاذي بمحمـاس
وهـاذي يصبـه للوجيـه السفيـره*
وخلاف ذا يا راكب فوق عرمـاس
مأمونة مـن نقـوة الهجـن خيـره*
اليا لفيت الدار فاجهر با لأحساس
وبلغ سلامي كـل ذيـك العشيـره*
واختص أبوي اللي نفل جملة الناس
وخصه بعلم وقـل ترانـي بشيـره*
لا يا نقي العرض يا بـوي لابـاس
مايشتكـي من الضيـم مني نصيـره*
وان سايلك عنـي ترانـي بنومـاس
وانا أحمد اللي مـا توسلـت غيـره*
المدح لو يشـرى شرينـاه بأكيـاس
بأموالنا نرخـص لـدور الستيـره*
ابشر بسيف ضربته تقلع الـراس
ومصلبـخ جبتـه معبا ذخيـره*
من صنع نصراني ومشروبه الكـأس
يذكـر ورى جـاوه بعيـد مسيـره*
أبغيه للي حادينـك علـى السـاس
أهـل النمايـم والحكايـا الكثـيـره*
ربع نووا فيـك الـردا والتخسـاس
مهبول يا اللي قال غايـب عشيـره*
علي ديـن لجعل الجمـع ينحـاس
لين العشير يقـوم يلعـن عشيـره*
اما سكنا الدار عز ونوماس
والا نعـاف الـدار ونـشوف غيـره*
كله لعينـا كلمـة قلـت يـا دبـاس
تشكي وانا دونـي بحـور غزيـره*
كانك شكيت الضيق يا بوي لاباس
جاك الفرج يا بوي هـو والبريـره*
يا بوي أنا مارحتنا الكيفـة الـرأس
مع ذا ولاني فـي سفـاه او غيـره*
يا مسندي يا بوي شوف اوكد الناس
ثم انشده قل ويش هو فـي مسيـره*
و الا فانا يابوي قطـاع الأرمـاس
أصبر على الشده ولو هـي عسيـره*
ومن كان له غايب فلا يقطع اليـاس
أن قـدر الله جـاب علمـه بشيـره*
ورجع دباس الديرته بالليل وهدم السد الي حطوه جماعته ورجع الماء لمزرعة ابوه .. فطلع له رجال يريدون منعه فقص روسهم ورماها بالماء..*
في هذا الوقت سمع الابو صوت الماء يمشي بالمزرعه .. قال لبنته : قومي شوفي وش صاير ..*
راحت البنت تشوف وشافت ان الماء فيه دم !*
رجعت لابوها قالت الماء بمزرعتنا بس فيه دم يابوي : قال ابوها ابشري بدباس قومي شبي الناروقربي المعاميل...
تعليق