لاهـنـت يـا راس الرجاجــيل لاهنت
لا هـان راسٍ في ثرى العـود مدفون
و اللـه ما حـطّك بالقبـر لكن آمـنـت
باللي جـعل دفن المسلمين مسنـون
مـنزلك يـا عز الشـرف لـو تمــكـنت
فـــوق اللي تعــلت علـى الـكــــون
سكنت دار المجد يا شيخ و اسكنت
شـعبك معــك في منزل العـز ممنون
صنت العـهد يا وافي العهد ما خنت
علمـتهم وشلون الأشـراف يـوفـــون
كم ظالمٍ عـاداك و اعفيت و احسنت
و اخلفت ظن جمـوع ناسٍ يظـنون
شـلت الأمــانه حافـظٍ مـا تهــاونـت
شـفنا بـك رجـالٍ على النفس يقوون
ياللي طلـبة المــلك بالحــب زينـــت
عـرشك بتـاج قلــوب شعبٍ يحـبـون
لـوّنت تــاج المـلك مـا قـد تلـــوّنـت
مـا غرتــك دنـياك ما صـرت مفــتون
بالزهــد و المعـروف و الصبر كونت
منهاج فيـصل منهــج اللي يعـدلون
تـلفـتـت روس المخــاليق وين أنت
ويـن العظـيم و عوّد الشوف مطعون
كـم خافــقٍ وقـّف عقب ما تكــفنت
و كـم نـاظــرٍ ذوّب سواداه محـزون
لـو شـفت حـال الناس عقبك تبــينت
مـقـــدار حـب الـنـاس للـي يــودّون
مما بقـلبي قــلت يابـوي لا هـنت
و إلا انت فوق القول مهما يقولون
وسلامتكم
تحــــــــــــيتي
تعليق