ايش رأيكم فـــي ذا القصيدة

آه آه
آه



كنا نلوم اللي من الحب يشكون
ونقول هرج فاضي يدعونه
=
واليوم شفنا بالهوى مايقولون
أثر الهوى ذل وعذاب ومهونه
=
وعزي لحال اللي مولع ومفتون
لازل نصف الليل هاضت شجونه
=
ان قلت مجنون من الحب مجنون
وان قلت صاحي قلت يمكن جنونه
=
راعي الهوى تكفون له لاتلومون
حتى ولو جاكم تهامل عيونه
=
روفوا بحاله واسخفو له وتكفون
تحملوه وحاولوا تفهمونه
=
تراه يخفي فيه لوعات وطعون
ويحتاج ناس لا هرج يسمعونه
=
يقوله اللي عذبه حب مزيون
مزيون ماله في المزايين لونه
=
مبسم وخد وعنق ورموش وعيون
ووصايفه كل التواصيف دونه
=
ذاك الغزال اللي برى الحال بالهون
اقفى وخلا في الضماير طعونه
=
ليته درى بالحال من عقبه شلون
او ليتكم عن حالي تخبرونه