ترى الدنيا تدور ..

**العــا ني** · 07-10-2001, 05:58 AM

<<<<<<<< تراني ماسك الصف معك ياربااااااان ولا يهون جلال الخالدي

**طــ الليل ــاوي** · 07-10-2001, 09:03 AM

هلا بك

اخوي العاني .. يشرفني حضوووورك ..

ونردها لك بالافراح ...

ربااااان

**ليالي الشوق** · 07-10-2001, 01:32 PM

رباااان

هلا يا ربااان و عليك السلام **** من ليالي الشوق لك لوم وعتاب **** و امنياتي لك دايم

في سرور **** واللي عقد روس الحبال يحلها ..
.
.
.

مع الإعتذار لجلال ...!! لكن الجو الصافي هو اللي جذبني ..!!

ليالي الشوق ..

**ابو ثامر** · 07-10-2001, 09:49 PM

السلام عليكم يا اخوان.....اعجبتني اريحيتكم ..

واسف لدخولي وانا جديد.

في المنتدى يازين ترتيب الكلام××× القول طيب بين لمات الصحاب××× الله يجنبه المشاكل والشرور××× واللي عقد روس الحبال يحلها.

في الشرق دندنت المدافع والسهام××× ظلام ليلن مايشوفون السحاب×××الموت دلا يقطف اعمار الزهور××× واللي عقد روس الحبال يحلها .

وسلامتكم ..واسف يا اخي الربااان على اللقافة.

**جلال الخالدي** · 07-10-2001, 10:01 PM

اتصال هاتفي نقعني والله وتأخرت

تحياتي ولا داعي للإعتذار ... وأهلاً بالعاني وليالي ....

قلت لك يالربااان ماني متعود على نظمك هذا ولا عمري طرقته بس ردك صعب

عليك ياربااان كثير من السلام ** واللي حصل بالشرق ماهو من العجاب **
والظّلمْ لابدْ يارباان يغور ** واللي عقد روس الحبال يحلها

هذا ابن لادن قسم يابن الكرام ** والبدايه طاحت وفجّ السحاب **
والنهايه نصر وللجنه عبور ** واللي عقد روس الحبال يحلها

**طــ الليل ــاوي** · 07-10-2001, 10:13 PM

معذور جلال واسف للإزعاج .. يبيض وجهك يالغالي

رباااااااااان

**جلال الخالدي** · 07-10-2001, 10:41 PM

مافي اشكال ... اكمل ...

وهذا مني ايضاً

طافني من هاتفي بعض الكلام *** في ليالي ونجمه وحتى السراب **
ويش دخلهن سلامك لا تخور

** واللي عقد روس الحبال يحلها

لا تزاعل ماني بناوي خصام ** وانت ياربااان من عدّ الصحاب **
لكن إستغربت من وزن وبحور ** واللي عقد روس الحبال يحلها

وسلامتك

**طــ الليل ــاوي** · 08-10-2001, 01:49 PM

اصبر يالخالدي لا تضيعنا خلك نظامي وش يخليك تجيب الثاني

وشكلك ودك تنشبني مع شاعرات المنتدى ..

لكن استلم ..

اهلاً هلا يالخادي خلك نظام *** ارجي من الله مايعرضك العذاب *** ون كان تسمع ياولد بعطيك شور

*** واللي عقد روس الحبال يحلها ..

الجو صافي ليه ودك بالعسام *** ودك تعرضني لضربات الحراب *** قلبك خضر مفتون يامال الثبور *** واللي عقد روس الحبال يحلها ..

**جلال الخالدي** · 08-10-2001, 08:57 PM

اسمع وخلّك فطن خلّك همام ** ياولد مازلت في سن الشباب **
قلبي أخضر بالهوى ماهو صبور ** واللي عقد روس الحبال يحلها

لا تضيّع هرجنا بطريا الحمام ** لا تلخبطنا ترى يضيع الصواب **
خلّنا في ظلمةٍ مانريد نور ** واللي عقد روس الحبال يحلها

وسلامتك

**طــ الليل ــاوي** · 08-10-2001, 09:15 PM

يالخالدي واسمع عليّــه بالحرام *** ياصاحبي تسمع بحضرات الجناب *** ون كان ضاقت باقيً فوح الصدور *** واللي عقد روس الحبال يحلها ..

ما ضاعت الهرجه ولا ضاع الامام *** لا لا تخمخم فالمخابي والثياب *** ون كانها عله تجيكم بالنحور *** واللي عقد روس الحبال يحلها ..

**ليالي الشوق** · 09-10-2001, 08:07 AM

رباااان & جلاااال **

بصراحه ... عجبتني السالفه .. حلووووة مرررررة!!

.
.
إسمعوني زين يا نسل الكرام ***** هقوتي .. الليل يغشاه الضباب ***** من قبل يومين

غادرة السرور **** و اللي عقد روس الحبال يحلها ..
.
.
من لفاني الطيف عيني ما تنام ***** ما عرفت ان السهر سم و عذاب ***** كان قلبي

يا ربع منه مسحور ***** فـ اللي عقد روس الحبال يحلها ..
.
.
خلاص .. خلااااااص .... باطلع بكرامتي ...أدري أنها اللقافه وما تسوي !!

تحياتي ،،

ليالي الشوق

**عذاب نون** · 09-10-2001, 08:14 AM

ليالي؟؟؟؟

وش لك باللقافة وأهوالها؟؟؟؟؟

خلـّـي اللقافة لأهلها وروحي البيت با بنت الناس...

(غشمرة من أكبر مشاكس في المنتدى)

هي هي
______________

عــــــذاب نـــــون: تحياتي

أدري انك في المكتب ...لذا ركــّــزي يا بنتي

**ليالي الشوق** · 09-10-2001, 08:58 AM

عذااااااااب ( ن )

سلّط الله على إبليسك !!

من وين طالعة لي ؟؟!!

زين .. انا في المكتب وعرفناها ( انطر الطباعه ) طيب أنتي من وين ؟؟

ما تدرين أن هذي هي لحظات هروبي !!!!!؟ مسكين يا راسي

.
.

بيذبحنا الحين ربااااان ...

.. بريئ يا بااااشا

انا

تعالي!!

هذي إنتي وعرفناك ... طيب ..هذاك اللي يراكض من؟؟ لا يكون ( العميد )

**جلال الخالدي** · 09-10-2001, 07:03 PM

أيه بأسمع هرجكم يابن الكرام ** صاحبك يالشهم لا لا مايهاب **
واضحٍ ياخوك لاالفِّ ولادور ** واللي عقد روس الحبال يحلها

عن بواقي الزاد معلنها صيام ** والقمر يضوي ليال الإكتئاب **
بالبطا لا شكِّ ماني بمعذور ** واللي عقد روس الحبال يحلها

وسلامتك

**طــ الليل ــاوي** · 09-10-2001, 07:18 PM

هلا يالخالدي وين انت ..

ياعسكري ما نظب وقت التمام ** حظرّ ت من بعد انفتح تسعين باب ** لقيت يالصايم سحورك والفطور ** واللي عقد روس الحبال يحلها ..

اللي هجم لناس في وسط الزحام ** هوليه ؟ ماعمره سمع في سم داب ** اظن مدفعنا ..على راسه يثور ** واللي عقد روس الحبال يحلهاااا

**جلال الخالدي** · 09-10-2001, 07:46 PM

من هجم جاهل تغشّاه الهيام ** والغرض يحمل على النفس إرتياب **
بالحمام اللي إجنحن عند الصقور ** واللي عقد روس الحبال يحلها

العقل مرّات يفلت بالزمام ** والحصاني تلحق ظلال الذياب **
لا تغرّك نفخة الطاووس زور ** واللي عقد روس الحبال يحلها

وسلامتك

**طــ الليل ــاوي** · 09-10-2001, 08:43 PM

خلووووووووووووووووووووووووها

الناقه الناقه ونولني خطام ** لا بد ننحرها بحدات الحراب ** يبطي وجعها ياخذ لعدة شهور ** واللي عقد روس الحبال يحلهاا

حميت للمخطر وبحط الوسام ** عطية الرحمن له شكر وثواب ** تحسفن صارت تناكيد ودبور ** واللي عقد روس الحبال يحلهاااااا

**جلال الخالدي** · 12-10-2001, 07:51 PM

السلام

بآتعذر عن غيابي ومايلام ** من تعدّى بالصبر تسعين باب **
جوّنا صافي ويملاه السرور ** واللي عقد روس الحبال يحلها

والناقه الغبرا عليها القلب هام ** أشهد انها ياولد طبَّ المصاب **
لا تهيّضنا نغَزِي خَلّنَا ثبور ** واللي عقد روس الحبال يحلها

وسلامتك

**الماس** · 13-10-2001, 03:15 AM

السلام علــيكم انا عضو جديد حبيت السلم عليكم وعلى كل الرواد فى هذا المنتدى سلام

ترى الدنيا تدور ..

ترى الدنيا تدور ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع مرتبطة