مرحبا بك ياهجوسي من هنا حدّ الهفوف
ياهلا بك ياهلا .. أرحبي ثم أرحبي
ملعبك وسط الحنايا والميادين الكفوف
ياحروف الشعر هلّي .. واطربيني وألعبي
استفزّي كل غيدَا في مزاياها تنوف
ثٍمْ تباهي في هوى اللي سابيٍ عقلي سبي
له خفوقي بيت كله .. والمعاليق الضيوف
سيدي مولاي آمر.. والمشاعر لك صبي
ذاك أضييييع أن شفت زوله شامخٍ بين الوقوف
عزوتي هو راس مالي .. عزّ نفسي وانْسبِي
واحدٍ ماله شريكٍ في هواي إلا الهنوف
عشقها يسري افْعروقي من وانا ْ طفلَ آحَبي
حضنها جنّة حياتي وطيفها أحلى الطيوف
وعينها عين العديمْ وعنقها عنقَ الضبي
ومن عذلني في هواهم ماعلى مثلهْ حسوف
ياصغيّر ذيْ نصيحهْ ليتْ تَسْمعْ مطلبي
لاتجي يمَّ المنايا.. لاتمرّ حدّ السيوف
ياشبيهْ البنتْ جنّبْ مانقَصْكَ الا الْعِبي
ومن نشدني عن غرامي قلتَ أنا بليّا كسوف
خذْ جوابي بكلْ فخرٍ.. ذيكْ أمّي..وذاكَ أبِي
تعليق