قصيده جاءت بعد طوفان تسونامي
وفيها توصيه من الشاعرللبحر(لان اهل حبيبته يسكنون بجانب البحر)
وفيها توصيه من الشاعرللبحر(لان اهل حبيبته يسكنون بجانب البحر)
للشاعر نصيب السكوري
انوصيك يا بحر ع المحبين ..
اللي حذاك راهم أولافي
اصحا اتخونهم كيف لخرين ..
الاي اتقول فيهم اتكافي
اللي جيتهم في الحواشين ..
هايج وفي جو دافي
ورقيت نين طلت البلاكين ..
ورميتهم ع حيط حافي
ألوف موتوا موت غافلين ..
وردوا عليهم السافي
أما يا بحر موش مومنين ..
والا علي شي ما زال خافي
هذول يعبدوا في النساوين ..
اللي يطلقن في الشعافي
ظلال تبعوا بان مو بين
..
ومن لحزاب خذهن اوصافي
..
ومن لحزاب خذهن اوصافي
زلزال طلعك يا الغالين ..
ولله من المطر بتت جافي
والحوت يا بحر والثعابين ..
ارميتن اصدار السقافي
واللي مكلفك هو المعين ..
عليم قبل علم الصحافي
واللي ساعدك هو ازرهين ..
امريح اقلال العوافي
قبض روح من صدر لامين ..
محمد الصادق العافي
شفيع انته من النوارين ..
نهار عرض وزن الكفافي
عليه صلاة وسلامين ..
ومليار زيده اضافي
ويش خطره ها التظنين ..
للي عليهم اريافي
وصيت البحر ع الجوارين ..
ياللي لذعهم في اطرافي
اللي يخطروا بين نومين ..
ونسمر ونا كنت غافي
واللي تسمرك كثرت الدين ..
ولله عيب من جار لافي
ولله ظلم حكم ال****** ..
تثبيت زور والحق نافي
ولله وكان في رزق ولدين ..
وتبات جل من نار هافي
ونا في الغلاء من مراهين ..
وهي ماتريده اخلافي
اللي تنطره غير بزين ..
وجميلة برقت شفافي
وانت هلك كسابة الظين ..
وهم أسياد بيض الحشافي
شهير ملكهم بين رأسين ..
وبيمينهم بعيت الحلافي
وعين بنتهم عين شاهين ..
ولها دور نقض مسافي
كيف صبحها في الغربين ..
سعيد يوم لاجن اصدافي
الله يحفظك حفظ من العين ..
ونية سواد الرفافي
وبجاه من فرز بين دينين ..
واحنا دينا هو الصافي
وبجاه من قرا ذكر ياسين ..
اجعل قسمنا فيك عافي
مليت من الرجاء والتظانين ..
وياس شال بيده اكتافي
ولا ضرنا خلو لدين ..
وبه نقدعوا في الصفافي
ولا انتبعوا في شياطين ..
اللي انغزوا بالمشافي
ولا انميعدوا في التراكين ..
ولا ننفخوا في جمر طافي
عوينه سموم
وما مصلحة فيه خاطي الحموم
وما هناك حال تدوم
نهار حوزتك يا بوخجل مبروم
افزعي قولي
تعليق