حسبي على فـلاح شعـره حماسـي
هيض علي هجوس وهجوس وهجوس
وطغـت مفاهيـم النظـام القياسـي
على خطوط الطول والعرض بالقـوس
وضاقت محيطات البحـور ومراسـي
سبع النجوم اللي لها ناب وضـروس
وطاح الجمل لكن ماهـوب امتواسـي
في غاربه خنجر وفي ثفنتـه مـوس
رد الخبـر يامبعـديـن الممـاسـي
وقولو لأبن مبرد وطا الأرض مانوس
دهنة ففيـه ايـدام حمـر التباسـي
مفعولهـا لمفتـح العقـل ملـمـوس
تبدلـت عقـب الغـنـا بالفـلاسـي
وعقب الرخا والأمن بالخوف والبوس
وثلثينهـا ماتـو ضحايـا التناسـي
وثلـث بقـا هياكلـن مالـهـا روس
وسود الليـال المرمسـات النواسـي
ارشيفهـا لمـدور العلـم قـامـوس
يلقـا بهـا وقـب اللـزوم اقتباسـي
ليا دق به مع هجعة الناس هاجـوس
ولقا بها حاكـم عـروش الكراسـي
قضيـة مـن همهـا نـوح متعـوس
شريـدة الخطيـن خـط التكـاسـي
وخط السفاره بي برليـن والـروس
عميـل كسـرى فالبـلاط الرياسـي
اللي قضاله عام وشهـور مركـوس
عندالزنـوج امجوديـن الركـاسـي
اللي بلا غيره وفي حربهـم شـوس
على الردى ماهو على طيب ساسـي
ولا هو على عزة كرامـه ونامـوس
على الخساسه بين هـاك الخساسـي
ثلثين عمره عاشها جـوف كابـوس
واليـوم لاذاكـر ولاهـوب نـاسـي
العمـر فالتسعيـن والمـخ ملحـوس
ويبي القساوه مـار ماهـوب قاسـي
جمهات راس ناخرن مخـه السـوس
جنسيـة ضاعـت مابيـن الجناسـي
لولا التميمـي داسهـا وقتهـا دوس
اليوم صار الهـا بطيـن وممساسـي
وتبي تريس بين ريـس ومريـوس
لكن خاسي واسـود الوجـه خاسـي
امدرس التـوراه بـوذي وهنـدوس
املبس المـاص الحمـر بالنحاسـي
اللـي تلـقـا ماتلـقـاه حـنـوس
غريسـة بيـن الغرايـس اتراسـي
يروسها عـدوس وامثـال عـدوس
سرابهـا تاسـع لـيـال النفـاسـي
نجع عقب كون الغريميـن منحـوس
وياقو باسي مـن نعاطيـس راسـي
لكن اخـاف يفسـر العلـم منكـوس
في ساعتين انجزت فصـل دراسـي
ولاني وكيل ادم على كـل جاسـوس
وســــلامتكم
لشاعر:غلاب الثبيتي
وســــلامتكم
لشاعر:غلاب الثبيتي
تعليق