{{ يمه اذنبت }}
يمه اذنبت ونزحت من العشيره
وان تمنو توبتي مانيب تايب
يمه اذنبت ونزحت من العشيره
وان تمنو توبتي مانيب تايب
***
مابي لدنيا الغنادير اي سيره
طايح من عام الاول في مصايب
مابي لدنيا الغنادير اي سيره
طايح من عام الاول في مصايب
***
يمه اللي حب له طفله صغيره
ويش يسوي لاغدا فيها طلايب
يمه اللي حب له طفله صغيره
ويش يسوي لاغدا فيها طلايب
***
طفلة ماكانت بحبي جديره
بس كانت غير عن كل الحبايب
طفلة ماكانت بحبي جديره
بس كانت غير عن كل الحبايب
***
كنت اسميها العنود المستذيره
ليت اهلها العام سموها عجايب
كنت اسميها العنود المستذيره
ليت اهلها العام سموها عجايب
***
كنت اجيها مثل الامطار الغزيره
كنت اضيع بجوها مثل الهبايب
كنت اجيها مثل الامطار الغزيره
كنت اضيع بجوها مثل الهبايب
***
وادعي الله هي متى تصبح كبيره
تفهم اشلون المكان يصير ذايب
***
ان تغنت تصبح الطرقه قصيره
وان تغلت تصبح جروحي عطايب
ان تغنت تصبح الطرقه قصيره
وان تغلت تصبح جروحي عطايب
***
صنتها مثل البحر لابعد جزيره
ماتركت علومها لاهل الركايب
صنتها مثل البحر لابعد جزيره
ماتركت علومها لاهل الركايب
***
ديرة ماهي بها ماهيب ديره
لو ثراها عشب واعلاها سحايب
ديرة ماهي بها ماهيب ديره
لو ثراها عشب واعلاها سحايب
***
يمه اتحبين طايلة الضفيره
اااه والله ياعليها اشقر ذوايب
يمه اتحبين طايلة الضفيره
اااه والله ياعليها اشقر ذوايب
***
قالت ان جا الراس شايب فيه خيره
قلت يابنت الحلال الراس شايب
قالت ان جا الراس شايب فيه خيره
قلت يابنت الحلال الراس شايب
***
قالت الا الحب وشهو وش مصيره
قلت انا استاهل وانا كل السبايب
قالت الا الحب وشهو وش مصيره
قلت انا استاهل وانا كل السبايب
***
ماجزا اللي حب له طفله صغيره
غير قبر و ضحكها فوقه نصايب
***
لشاعر : ناصر القحطاني
تحــــيتي
ماجزا اللي حب له طفله صغيره
غير قبر و ضحكها فوقه نصايب
***
لشاعر : ناصر القحطاني
تحــــيتي
تعليق