الله من حـرقه بكـبدي طعـونها
.................. يـوم أشـرت بـاليد وأقفت ظعونها
واقف وكن السيف مغروز بالحشا
.................. وجـاوبت بالـدمـع عـيني عيونها
كني صويب القوم في ساحة الوغا
.................. راحـوا عنه ربعـه والأعـداء دونها
وإلا مسـافر يشتكي غربة الوطن
.................. أو دار مهـدومه وطـاحت ركـونها
كل مابغيت انام سـاعه من الزمن
.................. قـامت هـواجيسي عـليّه بشـونها
ماحـد درى عما في بالي وخاطري
.................. وماحد درى عن عصفها من سكونها
الله يـاترف سـبا الـحـال ودهـا
.................. حتى ظـنوني تتفـق مـع ظـنونها
طـعم الفـرح مـاطب بالبال عقبها
.................. ودنيا السهر عضـت عليّه سـنونها
والعين تشـكي بـأزرق الدمع حالها
.................. خـوفي عليها يعمي الدمـع نـونها
لـو باتسـلّى ياحـمـد مـانسيتها
.................. جـديد في قـلبي والأحشـاء كونها
الله مـن فضـله وجـوده يـردّهـا
.................. وإن ماحصـل اخاف انا من جنونها
صقرالنوايف
تعليق