في نا س - حنا سمور
________
في ناس عمبيتاجروا بسم الدني
عم يجمعوا الاموال هيك من الهوى
وفي ناس عميتألّموا جوع وقهر
ما في معاهن يشتروا حبة دوا
وفي ناس من هم الفقير بيسخروا
بيفكروا بالمال كبروا مستوا
وفي ناس ما معهن ثمن كسرة خبز
عندهن كرامة وعزمهن ما بلتوى
وفي ناس اخوة بعهد الله تقاتلوا
حفنة مصاري فرقتهم عن سوا
وفي ناس عميتسابقوا عالمرجلة
اصل وكرامة وعدل فوق المستوى
وفي ناس باعوا بالمصاري حالهن
باعوا الكرامة والقلب مات وذوى
وفي ناس من كثر المصاري تنفخوا
عاشوا على طق الحكي واكل الهوى
وفي ناس من بيع السموم بيربحوا
عاشوا حياتن كلها رقص وغوا
وفي ناس ما بتغيّروا طول العمر
حتى اذا عاشوا على جمر النوى
وفي ناس بيناموا على فراش الحرير
وكل عيشتهم سكر لحم وشوا
وفي ناس لو خسروا حياتن كلها
بيظل درب الحب يجمعهم سوا
وفي ناس بيناموا على فراش الحصير
وعمرهم ما جرّبوا شمّ الهوى
وفي ناس عاشوا يجمعوا باموالهم
تيسهروا باحضان ستات الهوى
________
في ناس عمبيتاجروا بسم الدني
عم يجمعوا الاموال هيك من الهوى
وفي ناس عميتألّموا جوع وقهر
ما في معاهن يشتروا حبة دوا
وفي ناس من هم الفقير بيسخروا
بيفكروا بالمال كبروا مستوا
وفي ناس ما معهن ثمن كسرة خبز
عندهن كرامة وعزمهن ما بلتوى
وفي ناس اخوة بعهد الله تقاتلوا
حفنة مصاري فرقتهم عن سوا
وفي ناس عميتسابقوا عالمرجلة
اصل وكرامة وعدل فوق المستوى
وفي ناس باعوا بالمصاري حالهن
باعوا الكرامة والقلب مات وذوى
وفي ناس من كثر المصاري تنفخوا
عاشوا على طق الحكي واكل الهوى
وفي ناس من بيع السموم بيربحوا
عاشوا حياتن كلها رقص وغوا
وفي ناس ما بتغيّروا طول العمر
حتى اذا عاشوا على جمر النوى
وفي ناس بيناموا على فراش الحرير
وكل عيشتهم سكر لحم وشوا
وفي ناس لو خسروا حياتن كلها
بيظل درب الحب يجمعهم سوا
وفي ناس بيناموا على فراش الحصير
وعمرهم ما جرّبوا شمّ الهوى
وفي ناس عاشوا يجمعوا باموالهم
تيسهروا باحضان ستات الهوى
تعليق