البارحه ياروح روحي خنجـر عتابـك حديــد
تومي بها واليا اسهبت بين الضلوع اركيتها
حُكـم الغـلا خلاك تطعني وانا اللي مستفـيد
فديتـك انت وكل طعنه من يدك فديتهــا
محبتـك تجري بدمي من وريد اليا وريـد
بين الضلوع العوج بخشتها وقلبي بيتهــا
ليـنت لك قلبن لغيرك ما يلينه الحديد
ولديت لك عين(ن) لغيرك ما بعد لديتهـا
وغنيت فيك النادرات الشاردات من القصيــد
اللي تثير الصمت في الجمهور لاغنيتهـا
ونشرتها باشهر مجله للقريب وللبعيد
على غلاف المختلف كلن قرا منشـيتهـا
عقدن يليق بجيدك اللي فارقن عن كل جيد
والشـفه اللي هرجها معسول يخرب بيتهـا
لاقلت اريــد وقالت امر قلت مدري ويش اريد
قـالت علامك قلت انا بغيتها واخطيتها
مره من المرات في ليل ٍ نسانيسـه جليـد
هـزتني الذكرى وسـرتني ونا سريتها
مـدري بطل مدري خبل مدري ذكي مدري بليد
ميـر المهم ان العنود اليا دعتنيي جيتهـا
وان شفتها عقب التعب والليل والبرد الشديــد
واقـول ياليـت الليالي كلها يالليتهـــا
مرة شقاها للشقي ولذة سعدها للسعيــــد
والـذ منهـا الجمره اللي في يدي ضميتهـا
*************
لشاعر / صاحب الوزن الثقيل سلطان الهاجري
تحـــــيتي
تعليق