الاخ/ جلال 00 انا اسف جدا للانقطاع انا كنت مشفوول واجد

اخوي جلال سوف ارسل لك السبب على بريد رسائلك الخاص

وارجو ان يعذرني الجيييع على التقصير وخاصة من دعاني هنا اخوي / رباااان






انا يوم اتمادى بالتسامح معك يالمجمول

*****************************انا خايف من الطرقه تعود غدر وخيانه

انا مابغى الجفا بيني وبينك يالحبيب ايطول

*****************************ترى فرقا الهواوي للهواوي سبة احزانه

تواعدني وتخدعني ذبحني هرجك المعسول

***************************** تبوق العهد والشاهد كريم الوجه سبحانه

مضالي فيك يالغربات والضيقات رابع حول

***************************** اسرني لك هواي اللي خضع لاحكام سجانه

اطيع امره ولو امره تجاوز حروة المعقول

***************************** علي امضى من سيوف(ن) لشرب الدم ظميانه

اناضحيت بسنيني ولا تقنع من المبذول

***************************** ولك قدمت قلب من هواك اهتز شريانه

على كثر التفاني والتودد مالقيت احلول

***************************** عجزت استوعب المطلوب لاجل ارضيك يافلانه

وعند الحد هذا ودي اسئل منهو المسئول

***************************** من اللي جهز القبر لهوانا واشترى اكفانه

قتلني جيش نظراتك ورمشك سيفه المسلول

***************************** عيونك صافيه حده وفيها جيوش عميانه

عجزت افهم خطط قايد جيوشك يازريف الطول

***************************** اخاف انه يبي يلغي سيادة عاشق الدانه

اخاف انه يبي يسجن مشاعر عاشق مقتول

***************************** دفعه احساسه الفطري برفض الذل والهانه

صحيح انه يشيل بقلبه الصافي غلاك حمول

***************************** ولكن مستحيل انسان يرضى سطوة انسانه

تخلي عن غرورك قبل مازعل وانفجر واقول

***************************** وامت الحلف لاانسى حبك اللي صعب نسيانه

وانا لوقلتها تدرين حبك بالحشاء مدبول

***************************** وانا ادري فيك ملهوفه وانا ادري فيك ولهانه

تعالي دام قايد جيش نزواتك غدى مشلول

***************************** بعد مازعزع اصفوفه غرام ثار بركانه

+*+*+*+*+*+*+*+*+*+*++*+*+*+*+*+*+

وســـــــــــــــــــلامتكــــــــــــــــــــــــم

واسمحو لي على القصوووور