اهداء الى الشاعر مجد ابو سرور / للشاعر العروبي لطفي الياسيني
* * *
كتبتلك شعر مجد الزمان
وسرجت الخيل همة عنفواني
امير الشعر يا ابن الحمية
فلسطيني انتماءك يا كنعاني
انا وياك من ذات الطوية
شربنا كاس نكبة اولاني
وهجرنا عن الاطيان قسرا
لسوريا ..لاردن ...للبنان
وعشنا في خيم صبح وعشية
ما فيها اكل لا مية ثاني
قدرنا نعيش احنا الفلسطينية
ونتحدى اعاصير الزمان
وصلنا للقمر ما في مطرح
ولا حتى استراحة لعيان
وجرح نكبتي في القلب يجرح
ونزف الدم نازف بشرياني
دخلت السجن وما رضيت انزح
ولا تكون الخيانة بانساني
فلسطيني وشرار العين بقدح
ع صهيوني وع بوش الامريكاني
انا مسلم انا عربي مسلح
سلاح الموهبة ربي حباني
ومن رحم الحبيبة كنت اطرح
قضية ارضنا قبل الاوان
ومن قبل الوضع ما زلت خنجر
وسيفي كان يسبق لي حصاني
انا الانجليز تعرفني عنتر
انا لطفي انا فلتة زماني
------------------------
للشاعر العروبي لطفي الياسيني
تعليق