مناحة على الاقصى قبل الهدم / للشاعر العروبي لطفي الياسيني
------------------------------------------------------
يا زائر الاقصى بعد رمضان
سلم على الساحات واهديها
قلها لطفي الياسيني اليوم حزنان
ودموع عينو على الوجنات ببكيها
الاقصى بقيد الوغد والزعران
وينك صلاح الدين تحميها
اربع عقود باسر مرهون للسجان
ما عاد اسمع اذان الصلاة يحييها
والسور عاف الجند والطغيان
وين الخليفة عمر يفتح بواقيها
وين العروبة انتهت يا حسرة الفرسان
اؤلمرت تحت الرواق الحفر واطيها
نامت جيوش العرب من نكسة حزيران
والقدس بيعت لاسرائيل شاريها
يا حسرة القدس فتح في القدس عميان
واعمى صدور البشر ناسيها
ارض النبوة وقبلة الايمان
اسراء احمد مع المعراج ماضيها
مولد مسيح البشر من قبل وايزمان
يا ابن مريم كنائس في القدس فيها
ما عاد اسمع وقع اجراس مع اذان
خيم عليها غراب البين ساطيها
تهجير قسري للاهل والسكان
حتى المباني محرومين نبنيها
فرضوا علينا الهوية وصادروا الكوشان
اغراب صرنا وبنو صهيون واطيها
لعبوا علينا لعب بالدجل والحرمان
في بيت اسود قضيتنا خوافيها
دولة فلسطين اسم ما الو .. عنوان
وحدود هشة وجدار الوغد حاميها
هذي نصيحة شاعر عايش الازمان
مخضرم بعتم السجن بدي اوصيها
الحق ما برجع بلا ..... نيران
والقوة بدها قوى تصدق معانيها
غير الرجوع اليوم للقران
ما عاد ترجع لو المليار بيجيها
بكفي ضحك عاللحى يا نائم بقمران
ثلاثماية سنة وتسعة .... بكفيها
------------------------------------
للشاعر العروبي لطفي الياسيني
تعليق