صباح الرقة و الإحساس ....

أحبتي .. الساندروزيين ..!!

تخيلوا معي أن يزوركم في منامكم طيف ملائكي بيدة وردة بلون الزهر ...

يالروعة الشعور ....

.
.


قَسَــــم
******

و حق اللي خلقنا

من العدم و حنّا عبيدة ...

ما غفت في إيديني قمرة ..

إلا من نبضك تعود ...

و ما ِصحت في عيني جمرة ...

إلا من مَرها السعود ...

تدري إنك ..

للغرام أمرة ... و سِيدة ..!!

يا نديم الليل .. يا برق و رعود ...

يا نسيم الهيل .... لي صوبي بريدة ..

أشهد إنك للجنوب .. سهيل و هبّ ...

و أشهد إني للهوى ... سلّمت قيدة ....
.
.

إعتـــراف ..
**********

بديت آغير ... و أتحيّر ..

و أشوفك غير ..

بديت آحس ..

في نبضي ... شذى التعبير ...

بدت دنياي تتغير ...

و رِسمت لشاعري منظر ..

سماء زرقاء ...

................و شموخ الطِير
.
.

تِصـــوّر ...
*********

تخيّل دنيتي قبلك ..!!

... عِشب أصفر يغطيها ..

نِسى طعم المطر فيها ....

و ........... ِتذكّر لوعة التفكير ....

سفينة الموج ياخذها ...

................... يبعِّد كل مراسيها ...

و .... يضيع الهِير ....

تصورها ... بلا طيفك ...

.......... بلا شوفك ...

بلا إيمانك ... و خوفك ....

.......... بلا صوتك ...

يبوح الخافي بجوفك ....

غِيوم الليل .. تكسيها ..

و طيور من الجِدب ماتت ...

و لو كل العمر باتت ...

ما ظن غيرك .. بيحييها ...!!

.
.
.

ليالي الشوق