الجوهره وشلون تمشي مـع القـاع
حسبي على اللي جابها مـن بحرهـا
اثر البني فيهن تشاكيـل وانـواع
فيهن جمـال وفيهـن الله سترهـا
بعض البني مثل الذهب تلمع المـاع
ضاع الذهب من يوم حط بنحرهـا
والجوهرة غطت على كل الأوضاع
وشهي ديانا يوم تنشر صورهـا؟!
مرت علي والثوب يسحب مع القاع
ومحجبه من رجلهـا لـي شعرهـا
والله لو ما تلبس حجـاب وقنـاع
لتشوف نصف الكون يلهث بثرهـا
لو طالعت جوٍّ محل صـار مربـاع
ولو طالعت غيمة تهاطـل مطرهـا
ولو اشرت يم الكواكب بالأصبـاع
كل الكواكب حولت مع قمرهـا
ياخوفتي من عين حاسـد وقمـاع
بعـض الأوادم ماتخلـي قشرهـا
هذي ثلاث سنين عاشق وملتـاع
والرابعة تـوي دخلـت بشهرهـا
لا طالبٍ دنيا ولا نيـب طمـاع
بس يحرسها ربهـا مـن بشرهـا
الشاعر عميرمحمد مجرن المطيري
ويقال انها للشاعر منصور الرمالي الشمري
ويقال انها للشاعر منصور الرمالي الشمري
تعليق