تحبني ولا يهمك إن قربت وبعدت
عليك الله وأمان الله تخليني أنساك
وأنا اللي في حبك أبدن ما ترددت
وش اللي غيرك وبالبعد وشجاك
ليه كل ما بغيت أقرب تصددت
تخليني أحس إن الله فيني ابتلاك
وصدقني أنا اللي فالدعاء رددت
رفعت كفوفي لله يا رب رضاك
أدعي الله لك أنت بالذات حددت
يكون التوفيق حليفك في دنياك
وبالآخرة يا عساك فالنعيم تمددت
هاك العلم عني يومه مني جاك
أنا بنت البدو وبالأصالة تمجدت
وبالحسب من هو مثلي أنا أتحداك
أبوي كريم من نسل أحرار جندت
ما هو بشحيح كفه وتعتبره أخاك
أمي طويلة بال وبالصمت تفردت
والحكمة عندها في كل أمر لفاك
طالبة علم وفي دراستي حيل شددت
هاديه طويلة صمت ولا يخفاك
لا جلست بين النسوان فيهن تسيدت
وان تكلمت واثقة من دون ارتباك
ولامن جاني المهموم همومه تبددت
اقول الكلمة بمحلها فطنة(ن) وادراك
بقلم بنت العطا أتمنى أن تنال الاعجاب تحيتي
تعليق