رساله عاجله جداً
قلعة زعبل التاريخيه في مدينة سكاكا الجوف
.
لها قيمه كبيره تاريخيه وحربيه عظيمه جداً في نفوس أهالي المنطقه وبالذات من سكنها
من بني خالد ويقال لهم ( القرشه ) . من فخذ الجبور .
نسبه إلى جدهم قريش الذي قدم من الإحساء : قريش بن علي بن أجود بن زامل بن حسين
بن ناصر بن جبر الخالدي .
وتزوج إحدى بنات من كان يسكن هذا الحصن ويدعى ( صاحب الضلع ) وهو كريّع العنزي
_________________________________
أطلق هذا الحصن صرخه ونداء من خلال قصيده بعد أن تمت عملية ترميمه ,,,
فقد أبى ( زعبل ) أن تمر هذه المناسبه مرور الكرام فقام بإسناد هذه القصيده
إلى مفَضّي العطيه الخالدي ( شاعر القرشه ) رحمه الله ,,
والقصيده لا تحتاج إلى مقدمه أو تعليق ,,
أترككم معها ,,
يقولون يـامفَضّي على ذمّة الغير
عقبك ترى صارت علوم(ن) جديده
في وقتنا ناس(ن) مشوا سكّة الخير
قامـوا بترميم الحصون العتيده
خــذوا لخطتهم جميع الـتدابير
قالـوا شباب الضلع لازم نعيده
شدّوا صقايل بالخشب والمسامير
متوافقه عـلى الجوانب شديده
ومن كبر فرحتهم خذوا لي تصاوير
قـالـوا نريد نحطّها بـالجريده
مـادريوا إن الأمر فـاق التعابير
والـهم فيني مـن سنين(ن) بعيده
مـايصلح الـترميم فعل المقادير
ولا يستر الملبوس روح(ن) زهيده
والخاطـر المكسور يحتاج تجبير
بأمجاد راحت يـافتى مـن يعيده
العز مـن بـاب الخشب للمسيكير
مـذبوح مثلي مـن وريده لوريده
شيٍّ حـصـل بالوقت يحتاج تبرير
صـارت بـه النفس الأبيّه بليده
متساوي(ن) طبر الوحش بالعصافير
والذيب خاف من الحصيني يصيده
مناظر(ن) تمشي على الأرض وتسير
متشابهه بـس المخـابر عديده
أردا عـبـاد الله صاروا مشاهير
والـحر أصبح سيّده مـن عبيده
والـقـرم يتحدّاه خبل(ن) مغيبير
لو هو جبان يشوف روحه وليده
واللي مـعـه دينار يسوى دنانير
يـزود قدره مـع زيادة رصيده
ذا وضعنا يالشهم مـن دون تفسير
والكذب صنعه يالبطل ماأجيده
أطلب عسى يطري على الحال تغيير
وأطلب لك الرحمه بختم القصيده
وسلامتكم ,,,,
للشاعر / صالح بن حمود النازل .
وتقبلوا تحياتي ,,,
تعليق