ياصاحبي يامن له القــلب ميال
ياعزوتي يامنيـــتي ياغناتـي
لك المعزه مثل مالغيـث همــال
ولك المحبه باقيه في حـــياتي
قدرك على راسي مع البـعد مازال
ملكت قلبي ياجميل الصــفاتـي
عبارتك زادت على القلب الاحمـال
وهمك مثل همي احسه بـذاتــي
ابليس والوحده ومعهم هوى البال
هذي الثلاث اعدها من عـداتــي
ابليس له ربي بلعنه واجـفــال
يحميك منه ومن جميع الطغاتـي
اما الهوى واستغفر الله من الحال
الله يعين العاشقين الـهواتـــي
هذا الهوى ماله دوى مثل ماقـال
اهل المثل في قولهم موعظاتــي
الله يعين الكل في كل الاحــوال
والله يزين باقي الـعاقـباتــي
رساله 
تعليق