قصيدة رائعة تحتوي على العديد من المعاني واللغوية والبلاغية والأدبية للأمير الشاعر خالد الفيصل
| من بادي الوقت وهذا طبع الايامي | عذبات الايام ما تمدي لياليها |
| حلو الليالي توارى مثل الاحلامي | مخطور عني عجاج الوقت يخفيها |
| أسري مع الهاجس اللي ما بعد نامي | واصور الماضي لنفسي واسليها |
| أخالف العمر أراجع سالف أعوامي | وانوخ ركاب فكري عند داعيها |
| تدفا على جال ضوه بارد عظامي | والما يسوق بمعاليقي ويرويها |
| إلى صفالك زمانك عل ياظامي | اشرب قبل لايحوس الطين صافيها |
| الوقت لو زان لك ياصاح ما دامي | ياسرع ما تعترض دربك بلاويها |
| حتى وليفك ولو هيم بك هيامي | سيور الايام تجنح به عواديها |
تعليق