اتمنىان تنال استحسانكم واسمحوا لي على القصور 000 رغم مافيها من كلمات قد يصعب على الكثير فهمها الا انها جاءت كذا 000 ولم احب ان اغيرها عن ماجاءت عليه

ياسارق قلبي على القلب بشويش &&& لاتنزعه تخلف منازل ظلوعه


غير المدارا ياهوى البال مابيش &&& داره ترى نفس الهواوي جزوعه


ارفق بقلب سكنك بالنشانيش &&& ولانطري الـفـرقا تراها تروعـه


وانا السجين اللي تحت ظلمك يعيش &&&يرجي الامل بكره تنور شموعه


اصون حبك وانت تقسى معي ليش &&& اجود لاجلك وانت نفسك منوعه


وتبي تعرف القلب حبك علىويش ؟&&& وعلام نفسي منك ماهي قنوعه؟


لوقلت مهمت قلت فالحب حتى ايش &&&ماقدر اوصف كيف شكله ونوعه


مايكفي ان عروق قلبي معاطـيش؟&&& مايكفي ان الموق هلت دموعـه؟


مايكفي ان العمر ضايع مطاريش؟&&& لين ان سبته صار يشبه ربوعه


وفرقا ثمان اسنين فيها مباليش &&&وسلسال سحرك مبهمات رموعــه


وايست من راع الثمان المباهيش &&& إلى متى وانا اتحرى رجوعـه


وصادفتها والدمع منها رشاريش &&& وتبدي اسفها عن زمان القطوعه


قلت ارحميني يالرموش المعاكيش &&&لاتجرحين القلب وانتي خدوعه


الجرح مايحتاج يابنت تنقـيش &&& لو تطري الذكرى تخالف سـنوعه


تكفين يابـنت الرجال المداغيش &&& رويت من كاس الفراق ونقوعـه


قد ذقت غدر منقضات العكاريش &&& اللي هواهن ضاع باول اسبوعه


روحي وانا باروح من غير تشويش &&& يكفي ضميري هم وقت يلوعه


قلبي بسـجنك ناشـه الهم ـتنويش &&& ماعاد ابي حب تقافا نجوعـه


والصدق بغيابك غدالي جواهيش &&& ومن شوفتك قلبي تناما زروعـه


لو تسرقين القلب مابيه بشويش &&& خوذيه بعروقه وقضيّ ظـلوعـه

+*+*+*+*+*+*+*+*+*+*+*+*+*+*+*+*+*+*+*+*+*+*

وســــــــــــــــــلامــتــــكم