قريت الغدر في عينك ومع هذا رضيت اهواك && صبرت وقلت يتعدل.. ولكن ضاع مني عمر


قطع غدرك شراييني الا كيف القتل يرضاك‍‍‍‍‍ ‍&& ‍‍‍‍على خلً حفظ حبك يطيعك وأنت تتأمر


نزفت ولا وقف دمي ومع هذا أقول فداك && مدام الروح تملكها فما لي غير أتصبر


مشيت الدرب لك موحش ولابه نور الا ضياك && ويوم أنصف أنا دربي تصد تقول أنا مقدر


غشاني الخوف قلت أرجع وضاع هنا وضاع هناك&&خِطا رِجلٍ تخالط مع خطا عُشاق لك أكثر


وتهت ومالقيت الا أسير الدرب لين القاك && وسرت الدرب لك أعمى لان العين بك تبصر


حبيبي والعهود أكبر من اللي تنطقه بشفاك && تقول ارحل وانا برحل وتنسى العهد .. تتكبر


واذا عزمت في هجري غيابك عندي نفس لقاك&&لاني بغيبتك أموت واذا جيتي اموت اكثر


حلف قلبي ترى لقلبك مدامه حي ماينساك && واعزي قلبك بقلبي توفى الحين مايشعر


ومدامه مات من أقسم انا اقسمت ان اسلاك&&واترجم عمري الماضي بأشعاري على دفتر


واخذ حبري من دمعي مدام الدم راح سفاك && بطعنت حد من سيفك ورمحً للوفا يغدر


واذا جاني أحد يسأل أقول الوقت هو عناك && خذاه الوقت عني غصب وهو هالحين يتحسر


أبستر غدرك الظالم وكيف انه ذبح بي هواك&&واقول الود من طبعه ومايعرف ابد يغدر


وهذي كلمه اخيره ترى ماحولك الا عداك && ابو الوجهين ماينفع في وقت الضيق يتعذر


وانا باعيش في دنياي وأنتي عيشي بدنياك && انا دنياي ضم الارض وأنتي فوقها وتزهر


شقايه روح قل للفرح ترى (؟؟؟؟) مايبغاك && واذا هو جهلني قل : عدوك ذاك ماتذكر؟؟


ختام القول هذي ايدي تودعك بأمل لقياك && في حاله تكسر الخاطر مثل مافيني أو أكثر