هية .. ياهية وينك يارفيقي جلال
******* جاك طــاوي محظر للقوافي عميل

قافك اللي معنون فيه " وقف .. تعال "
******* جيت لك معي حجة جعل عمرك طويل

وارجي الله عميل الخير صدق الخيال
******* يسقي الغيث دارك عل دارك تسيل

كان تسهر بــ ليلك مسهرتني .. طوال
******* ومن يخيل البروق يخيل نجمة سهيل

ليت ياصاحبي والعمر كله !! ليال
******* ليتنا ليت نقدر نقلب الصبح ليل

انت يومك تخيل النجم .. خلت الهلال
******* وقلت لك مير ماتسمع ولا أنت بدليل

المحبة لمثلك عندهم .. راس مال
******* وأنت من راس مالك ما حميت الدخيل

المشاعر صدوقه بس عنده خيال
******* وأنت شامخ وقدرك لا حشا مايميل

مير واسمع كلامي ولا يجي لك جدال
******* وكان تقدر تشيل الحمل حمل(ن) ثقيل

أنت منته ولد عمي ولا ولد خال
******* بس حق الرفاقة يالرفيق الأصيل

جيت لك في علوم(ن) كبر روس الجبال
******* وكان تبغا علومي !! بالمحل الضليل ..؟

وهيه ياهيه والغترة عليها العقال
******* اسكب الغترتك وعقالها..!! لا يميل