على ربك نخليها من جروحٍ سطت فيني &&&& مدام الجرح أكبر من كلامٍ ننطقه بشفاه


ياروحي والله إني يوم أعشقك ماسألتيني &&&& هو إني أقبل بعشقٍ بداياته معا فرقاه


لك الله يوم أحبك ماطرالي إنك تحبيني &&&& ولكن قلتنا بلوى ولابه طب غير دواه


تسائل قلبي مع نفسي قسا قلبك متى يليني &&&& واهني روحي ابروحي واودع (آه واويلاه)


غريب الدرب ضيعني وغابت شمس تضويني &&&& ولاعندي امل في يوم أشوف الشرق لاح ضياه


أمانه يانظر عيني طلبتك لا تـرديـني &&&& اذا يسأل حبيبك عن .. هوانا قولي كنت اهواه


قهر لو ياخذك مني ويرجع شامتٍ فيني &&&& أنا مقدر على همين يكفي روحتك وياه


طويل الليل ناطرني ولابه من يخاويني &&&& أللاوي غربة أيامي وكلٍ لاهي ابدنياه


حبست الدمع لايجري وأحرق جفني وعيني &&&& واقول اشوا بجفن وعين ولا هالناس تنظر ماه


حبيبي لو طفت عيني بدمعٍ دوم كاويني &&&& ترى والله ماتفرق مع الاعمى اذا اعماه


ولايفرق معي حبك اذا يجري ابشراييني &&&& ابطعن قلبي واتمنى يسيح الدم ثم انساه


ظلام الهم الى خيم ياويلي من يقديني &&&& وانا لاشوف أنظر به ودمي طاعنٍ مجراه


يطيح اعلى شموخٍ بي واعزيه ويعزيني &&&& وكلن ناظر الـ وضعه وكلن صاح واويلاه


تعالي شوفي حالاتي .. أو احسن شي لا تجيني &&&& اخاف انه اذا شافك فؤادي يبدي لك شكواه


تبين الصدق ياروحي اذا ودك تواسيني &&&& تزيدي القلب جرحيني ياكوده يسرع ابمقفاه


حرام القلب يتعذب وإنتي ماتحسيني &&&& ترى موته وانا شاهد يخفف عنه في بلواه


تصدق وش يخوفني؟؟ لو انسى انك نسيتيني &&&& وارجع موت أحبك موت وترجع لي بهمس شفاه


ترد تقول وش قلنا ؟! وتطعن طعن سكيني &&&& بقولك روح في دربك ترى غيرك بديت اهواه


دخيل الموت حبيني.. دخيل الغدر حبيني &&&& دخيل اغلى جروحك بي دخيل اللي هواي انهاه


دخيل الياس.. اذا جيتي تحطي يديك بيديني &&&& تضميني على صدرك تقولي لي كذب ماابغاه


أعرف إنك تحبينه وأدري ما توديني &&&& ولكن غصب ابصدق مدام الصدق ماأقواه


كرهت الشعر باسبابك لانه بس يرثيني &&&& أخذ دمي حبر للحرف أخذ م الدم لين افناه


تعالي (هنه) ابحكيلك حكايه دوم تبكيني &&&& حكاية طفلة الجنه وشاعر زينها اغراه


عشقها موت موت الموت سألها هل تعشقيني؟ &&&& وردت رد نفس ردك وصار الحزن هو مبداه


عرفتيها عرفتيها؟؟ تراها اللي على يميني .. ..على يساري .. وقدامي .. ضياها بكل درب القاه


وداع الموت يادنيا وقومي يالله وديني &&&& ابي أرحل عن الماضي وعن جرحي وعن ذكراه


ابي لي دار غير الدار بلاسكه وعناويني &&&& وابي لي عين ماتبكي وابي لي قلب ماينعاه


وابي لي ناس غير الناس ما تدري بماضي سنيني &&&& ما تدري بقصتي وياك ما تدري بروحتك وياه


وهذي آخر ابياتي عساك انتي فهمتيني &&&& لأني الظاهر (آخربط) وناسي اللي بعد قلناه