بعد الغلا اللي بيننا ..
حرام ..
هالعشرة تضيع !!..
حرام نهدم حلمنا ..
وندفن الفرحة جميع ..
أنا اللي بنهي كل شيء ..
وأنا اللي هالمرة ببيع ..
وأنا اللي بامحي من فصول أحلامنا ..
فصل الربيع ..

ببيع حبك ..
وأشتري أحزان وهموم وجراح ..
بكسر الذكرى الجميلة ..
وأنتظر جور الصباح ..
وأخفي آثار الغرام ..
وأنكر من قليبي هواك ..
وباتركك ..
وبهجرك ..
وباظلم جروحي معاك ..


لاتبكي عيونك ..
ولاتتأسفي عاللي مضى ..
تدرين إنه مالنا في الحب نصيب ؟؟..
تدرين أصعب جرح ..
هو غدر القريب ؟؟..
تدرين قلبي عالمفارق مارضى ..
لكن نصيب ..
ننسى الليالي اللي قضيناها ..
وشمس الحب ..
مجبورة تغيب ..


الله ياكثر الغلا اللي بيننا ؟؟..
من حبنا ..
شمس الهوى .. عيّت تغيب ..
والحب.. جاملنا كثير ..
الحب ..
أعطانا الكثير ..
لكن تجاوزنا بهوانا ..
وشوقنا الشيء الكثير ..


واليوم ..
ياأجمل حلم ..
الحب ..
ودّعنا وراح ..
والشوق ..
تكفيه الجراح ..
واللي بقى من عشقنا ..
أطلال ذكرى ..
كلها دمع ونياح ..
ذا اللي بقى من حبنا ..
وهذي نهاية دربنا ..


ياما تمنينا نعيش العمر ..
ويّا حبنا ..
حنا سوى الإثنين ..
واليوم نبعد ..
وأدري ماهو ذنبنا ..
وإتفرّق القلبين ..!!
كل الهوى اللي بيننا ..
اليوم أصبح ذكريات ..
من بعدما جفـّت ينابيع الغلا ..
والحب .. مــات ..
خلاص ..
إنسي حبنا ..
إنسي الهوى اللي فات ..
إنسي وفايه ..
يوم غدرك ..
زاني بالذات ..
وإنسي حناني اللي بكى ..
من قسوة الأوقات ..
وإترحمي بعد البكا ..
على حبنا اللي مات ...

0000000000000000