قــــــــل أو ارحـــــــل
قل كلام يشرح الخاطر أو أرحل

لا تطولها وهي عندي قصيرة

ولو تبي تزعل وأنا ما اخطيت أزعل

وابتعد مادامت الدنيا كبيرة

فوق هذا والله إني ما اتحمل

المشاعر من طباعك مستجيرة

كان ودك نتفق بالحب تفضل

وكان قلبك مايبي موجود غيره

غيرك اغلى غيرك احلى غيرك اجمل

وكل بنت ودها تكون الاسيرة

ياعجول بالحكم دايم تمهل

كان لك قلب ولك عين بصيرة

لك نزفت الحب ما القصد اتجمل

كنت صادق في القليل وفي كثيرة

كنت انا اسال عنك ابي لو يوم تسال

وكنت ادور لك عذر واقول خيره

القصيد اللي من اعماقي تسلل

كيف ماقدرت من ينسج حريرة

انتطر الشكر لكنه تحول

للبحور اللي قوافيها غزيرة

منت الاخر في جحودك ومنت الاول

انت واحد من عرب شبه الجزيرة


ــــــــــــــــــــــــــــــــــــــــــــــــــ

اوعدكم سأبحث عن كاتبها
انا واثق في ذوقكم الراقي