.... لكي آرى ما هوتعليق جميع الأعضاء ... راجيا" أن أكون قد توفقت في كتابة هذه الكلمات ....
==================================

سألتني ويش معنى أحب ؟؟
ويش معنى أهوى ...
ويش معنى إن الشوق يهب ؟؟

ويش معنى أشتاق ....
وأنكوي بنار الأشواق ...
ويش يعني الهوى ...
لا دق بابي ..
ويش يعني جنوني .... لا طال غيابك .
ويش يعني ظنوني .... لا سولفولك أحبابك .
علمني ويش يعني أحب ...
ويش يعني أعشق ...
وشلون أنسى الكون ..... وأحبك بكل جنون
الحب معناه الوفا .... والصدق والإخلاص
هذي بداية كل درس في الحب والإخلاص

تسقينه لأجل تعيشينه .
تغنينه لأجل تسعدينه .
تعشقينه لأجل تروي حنينه .
ضميني قرب حضنك ..
وإسمعي نبضك
وابقرب لقلبك ...
سمعتي نبضاتك ؟؟
حسيتي بآهاتك ؟؟
وشوقك ولوعاتك ؟؟
هذا هو الحب ... ياكل الحب

وتدري ويش هو الهوى .....
تعالي معاي .... طالعي وياي ..
هاتي المرايا ..... ناظريها معايا ...
ناظري هالعيون ..... وهالكحل المفتون
وهالطيب والدخون .... هذا هو معنى الهوى ...
عشق ماله مثيل ..... مجنون مبدع مستحيل

ويوم تخطي الأرض ويهتز ما عليها
ويوم تظهري للناس تسعديها وتبكيها
ولو الغصون تمايل .... والزهور تخايل
لأجل توصل بشرتك ...... وتلمس نعومتك ورقتك

ولا ظهر القمر مكسوف
وتاهت فيك كل الحروف
ولا صرت أنا بك ملهوف
ولا صار العطا منك معروف
ولا صفقت لك كل الكفوف
ولا تمايلت وترقصت كل الرفوف
وأنورت كل ظلمة في الكهوف
ويوم تكوني لي النظر والشوف

ويوم تبان لي غيرتك ...... وخوفك علي وتغريدتك
وقتها تعرفي معنى الغلا ...
يا أجمل ريم في هالفلا ...
يا كل الغلا ....

ورجعت تسألني ...
هو اللي يحب يبكي ؟؟
ويعاني من الشوق يشكي ؟؟
إن هذي لذته !! .... أجل وشلون ذلته ؟؟
أقولك شي ..
خلني أحبك براحتي ...
خلني أعطيك براحتي ...
وإنتظر مني يوم ..... بوعدك وعد مقسوم ...
أغلبك في حبك ..
وأعطيك أكثر من ما عطيتني
وأشبعك من عطفي وحنيني
وأرويك بعمري وسنيني ..
وأبقالك وحدك ... إنت بس وحدك
وعندها ...
ببدأ أعلمك ..
وشلون تحب .... وشلون تهوى
وبوعد ...
إن بقى لنا في هالدنيا يوم ..
بنكون شمس وغيوم ..
والصحو والنوم ...

جاوبتها وكلي أمل ...
أنا بأنتظر هالأمل ...
وببقى لك إنت بس ..
أعشقك يا أجمل أمل