وجد الاب قصاصة ورق بسيارة ابنه قد تركها له يخبره بها عن ذهابه . وعندما شاهد الاب شماغ ابنه على طبلون سيارته ودفاتر ومحاضرات للكلية التي كان ابنه يدرس بها هاضت به القريحه الشعرية وكتب هذه القصيدة :


شماغ بالله وين غاب راعيك
..........اسالك بالله وين سافر وخلاك
وشبه على الطبلون بالجيب راميك
..........من عقب ماهو معتلي فيك يجفاك
شوفي بعيني كل ما اصبحت يكويك
..........على فطور الصبح ياشماغ بداك
واليوم باعك عقب ما كان يشريك
..........من عقب مايضحك لك اليوم بكاك
هل تعتقد خلاك بالجيب ناسيك
..........او تعتقد خلاك من اجل ذكراك
ليته عليك يحن ياشماغ ويجيك
..........وانا علي حفظك اذا عاد يلقاك
ياخالد احنا بحاجتك وش يوديك
..........لديار حربٍ كل ما فيه يفداك
وش عاد لو تلقا بهل من يسليك
..........حنا ما نصلح ياحبيبي بلياك
ارجع على من هو يحبك ويغليك
..........ابوك وامك يابعد كل نماك
عوّد علي بساع حتى اهتني فيك
..........قبل يجيني الموت ودي بلاماك
موتٍ وراه فراق مافيه تشكيك
..........ما ينفعك منهو للافغان وداك
ما قصده الا قلعتك وش يبي فيك
..........حسبي عليه اللي بشره تبلاك
الحرب يبغاله عساكر وتكتيك
..........مثل عساكر بوش وبلير وشيراك
مار استخر وارجع عسا الله ينجيك
..........خلك عن اللي موّلك ثم مشاك
ارجع على امك قبل ما تروح تبكيك
...........العن ابليس اللي على الموت هقواك
لا تجهل امك يوم كبرن علابيك
...........ترى الجهاد بطاعته طاب ملفاك
وابعد عن الاشرار من قبل ترميك
...........نصيحة من والدك قبل تالاك
ولاتخالط الاجرب على الحول يعديك
.............والشر غنيله لامن تعداك
ترى الذي مشاك للصين معاديك
...........ما هو صديق اللي للحرب مشاك
يبي السلامة منك لو هو يحاكيك
...........قلبه عليك اسود بشره تغشلاك



وصلني عبر الإيميل.

تحياتي.