[poet font="Simplified Arabic,4,darkblue,normal,normal" bkcolor="" bkimage="http://www.sandroses.com/abbs//backgrounds/49.gif" border="double,3,deeppink" type=2 line=200% align=center use=sp char="" num="0,black"]

يا للي مزايا الحسن مجموعة(ن) فيك = لا يجتمع في داخللك صمت واحزان
سولف عن احوالك عن أيام ماضيك = عن نظرتك للوقت عن كل ما كان
لا تنطوي والحزن خله لهاويك = خل ألسهر لعيون مغرم وولهان
أكتب قصيده تحتويها معانيك = صمتك قوافيها وبوحك لها أوزان
لو كان بوحي والقصايد تكفيك = كتبت لك من صادق الحرف ديوان
جيت أكتبك جيت أوصفك جيت أسميك = لا شك كللك كامل(ن) دون نقصان
عينك بحر ورموش عينك موانيك = واللي سبح مع نظرتك( في خبر كان)
ضاميك باقي يا هوى ألبال ضاميك = ضامي وصل ضامي عطا ضامي أشجان
صورتك ما غابت عن عيون مغليك = ترحل بي ألذكرى وانا معك سهران
يسوقني يمك غرامك وطاريك = وأهديك ورد وياسمينه وريحان
الريح وانسام ألهبايب تراعيك = و(البدر) من زينك ليا بنت ما بان
والبحر لو تزعل بموجه يراضيك = وألغيم يرسم لك على المزن هتان
البرد أخذ كل ألدفا بين أياديك = وألهمس دلك يا أكحل ألرمش عنوان
وألصبح كنه كل لحضه يحييك = وألنور من طلتك يا (غال ألاثمان)
وشفيك لا تستغرب ألشوق وشفيك = طال ألزمان ولا قوى ألقلب نسيان
يا ليلي اللي كل ما جيت ساريك = لمحت طيف ماله أشكال وألوان
ألقلب ما يقبل عواذل وتشكيك =ما يستمع لفلان وفلان وفلان
خذني معك خذني لسكة خطاويك = لا تترك ألانسان تايه يا ألانسان


[/poet]

وســــــــــــلامتـــــــــــكــــم