فا صل




[poet font="Arial,4,black,normal,normal" bkcolor="black" bkimage="http://www.sandroses.com/abbs//backgrounds/49.gif" border="double,2,deeppink" type=0 line=200% align=center use=sp char="" num="0,darkblue"]
شفت لي حادث شنيع أمس العصر وسط ألمدينه = سد نفسي عن لذيذ الزاد يا ناس وحرمها
كنت واقف يا جماعه بتصل لي من كبينه = وشفت لي سيارة أجرة وفيه صالون صدمها
رحت للحادث وقالو راع ألاجره مسعفينه = حولوه وحالته خطره ياكود الله رحمها
قلت وشبه .. قالو ألصدمه مكسرتٍ يدينه = وأحد من فاعلين الخير بشماغه حزمها
لا تقول إلا عسى الله على ألصدمه يعينه = قلت هذي قسمته أرادها الله وقسمها
بس با الله طمئنوني راعي الصالون وينه = قالو الصالون به سواق والبنت وخدمها
قلت للسواق مأجورين..وازعجني رطينه = احسبنه فاهمٍ مأجور ..وأثره ما فهمها
قلت كيفك قال لي( أسفيه وينفض يدينه = ليس قرقر ونّ منت) ثم راح للبنت وزهمها
قال ( يا ماما هذا جنجان)وأنتي تسمعينه = قالت أصلآ لو عرف عمتك يمديه أحترمها
فك باب ألجمس عنها ونزلت سمراء متينه= طالعآ مع حلقها من زود نعمتها شحمها
وجاتني تمشي وقالت ليه سواقي تهينه = ودوب رجال(ن) شقردي واقفٍ جنبي لزمها
قلت يا أختي .. ليه سواقك هذا ما تنصحينه = ويش ذنب الناس يومنه من ألسرعه دعمها
قالت أنته لا تدخل خلها بيني وبينه = وألقضيه مع فقارى ألناس بالمال نحسمها
قلت ليه أنتي تحسبينه بضاعه تشترينه = الدراهم عندهم وجودها يشبه عدمها
قالت لو كانه مفكر جات له فرصه ثمينه= وألذكي لو جات له فرصه ثمينه يغتنمها
كان مات .. من ألدراهم نذر لغني والدينه = وأن حيي عينه ينزلها تحت لسفل قدمها
قلت هذا أخوك في الإسلام دينك حسب دينه = أفزعي له خلي الهندوس عبادة صنمها
قالت الهندي هذا يسوى البلاد وساكنينه = ألمدينه وألقرى ,البدو حواشة غنمها
لا تعذرب فيه حنا قابلينه قابلينه = خادمٍ عمه شغول ألبيت وألعمه خدمها
حلو وأطخم ومتعلم ومتزكرت ويش زينه = عمته يفزع لها لاصار عمه يتهمها
طيبآ مع عمته وحنينٍ خفيف طينه = والله أنه من حنانه (.....................)
قلت ضعنا من سببكن يا خساره يا غبينه = وألسلوم ألطيبه با سبابكم نكس علمها
والعوض في أمثالكن من عند ربي طالبينه = وألنها يه ودنا با الحمد لله نختمها
[/poet]