[poet font="Arial,5,teal," bkcolor="teal" bkimage="http://www.sandroses.com/abbs//backgrounds/35.gif" border="none,2,gray" type=2 line=200% align=center use=ex char="" num="0,black"]
قال الذي يقرا بليا مكاتيب = يا لي تقرون العمى من عناكم
يا عيالي الي تشرفون المراقيب = تريضوا لي واقصروا من خَطاكم
خذوا كلام الصدق مابه تكاذيب = مثل السند مضموم للي وراكـــم
ياعيال لا صرتوا ضيوف ومعازيب = ترى الكلام الزين ملحه قراكم
وتروا السبابه من كبار العذاريب = وهرج البلايس ما يطول لحاكم
المذهب الطيب هو مذهب الطيب = والمذهب الخايب يبور نساكم
يا عيال ما سرحتم با للواهيب = ياعيال ما عمر المعز ولاكم
ياما توليت القبايل تقول ذيب = من خوف لا ينقص عليكم عشاكم
و ياما قطعت من الفيافي العباعيب = ندور من صيد البراري غذاكم
يا عيال وقتكم !! لحيتي كلها شيب = هذا زمان قعودنا في ذراكم
قمت اتوكا فوق عوج المصاليب = قصرت خطانا يوم طالت خطاكم
عطوني القرضة عليكم مطاليب = عطوني القرضة جزا من جزاكم
لابد يوم عاوياً دوني الذيب = بالقبر ما افرق طيبكم من رداكم
ماني بفاضحكم بوسط الاجاويد = باعمالكم يدرون كل اقرباكم
لو كان تدرون الردى والمعاييب = صرتوا مع المخلوق مثل خوياكم
أخوالكم بالطيب تروي المغاليب = لو تتبعون الجد محد شنأكم
وش علمكم يا تاركين الموا جيب = حسبي عليكم هالردى وين جاكم
يا الله عسى أعماركم شمسها تغيب = يعتم قمركم ثم يظلم سماكم
يا علكم في حاميات اللواهيب = يا لي على الوالد خبيث لغاكم
شفت الجفا والحيف و الغلب والريب = بطلوعكم لا بيض الله قراكم
اخسوا خسيتوا يا كبار اللغابيب = اهبوا هبيتوا يقطع الله نماكم
[/poet]

[c]و جعلكم سالمين
تحياتي .. مصحوبة بأرق الأماني
بدعوة صالحة منهما

شعـار الأهـلـي ,,,[/c]