تذكرتك .. نسيتيني .. ذكرتك والزمن غافي
،،،،،،،،،،،،،،،،،،،،،،،،، غصبني .. ينعقد طيفك على رمشي يناديني
تذكرتك .. وأنا الساري وهلت عيني الصافي
،،،،،،،،،،،،،،،،،،،،،،،،، تجيبنك هواجيسي .. أشوفك والوله فيني
تذكرتك .. ولامره نسيت المبسم الدافي
،،،،،،،،،،،،،،،،،،،،،،،،، ولا أنسى يالغضي وقتٍ مضى .. وأنتي تحبيني
تذكرتك .. وكنتي لي حروفٍ صاغها قافي
،،،،،،،،،،،،،،،،،،،،،،،،، هذاك .. أول .. على القمرى .. أغنيك وتغنيني
تذكرتك .. ذكرت أنك تشيل الخافق الجافي
،،،،،،،،،،،،،،،،،،،،،،،، وزرعت بصمتك الجارح .. غزير الدمع من عيني
تذكرتك .. ومصباح الهوى .. يالغافية طافي
،،،،،،،،،،،،،،،،،،،،،،،، تكسرتي على وجهي .. هشيمك حيل يكويني
ذكرت الزمان اللي به أحبك .. والغلا وافي
،،،،،،،،،،،،،،،،،،،،،،،، ياكيف أنتي بعد هذا .. نسيتي .. ماذكرتيني
ذكرت أنك نسيتيني .. أبا أغفى ماحصل كافي
،،،،،،،،،،،،،،،،،،،،،،،، على كيفك .. تذكرتك ــ وأنا أدري بك نسيتيني