ياصاحبـــي .. جيتك أشكي لك من أحوالي

جيت وما دامك رفيقي ليه أطولها ؟

العلم ومافيه .. يا أول واخر امالي

عندي رسالة ولا أدري كيف اوصــــلها

للي سبتنـــــــي .. وأنا من قبلها سالي

أبيك توقف معي وتروح تســـــــألها

وش فيها تفتح علي أبواب عذالي

تحمل النفس حاجة ما تحملــــــــها ؟!

وش فيها رغم ( الوفا) تتركني لـــ(حالي)

وأنا لـــ( جفـــاها) تركت الدنيا بـــ( اكملها ) !

ان كـــــــان هذا زعل .. علمها يالغالي

مــــاكان قصدي ورب البيت ازعلهـــــا

علمـــــــها .. واللي يخلي قلبك الـــــخالي

عن ضيقتي .. وين وصلت من تجاهلــــــها

علمــــها .. كم لي وأنا ماشلت ( جــــوالي )

كلـــــــه علشان ما اقلب رسايلهــــــــا

علمـــــها .. وشلون لامرت على بـــالي

أروح واضم صورتها وأقبلــها وعلمـــها ..

كيف انشغل عن كثرة أشغالي

وأسرح وأغمض عيونــي واتخيلــها

علمـها .. عني وعن همي وغربالي

علمهـــــا .. عن كل حاجة في تجهلهـــا

وان شفتـــــــــــها دنقت تبكي على حـــالي

انس الكلام .. وتذكر كلمة وقلهــــــا

قل : شـــــــــاعرك يعتذر ويعاهدك تــــالي

انه يرتب حســــــــاباته من أولهــــــا

ويقول : حتى القصيد اللي على بالي

واللــــــــــــــه ماعاد اكتبه كأنه يزعلهـــــا