السلام عليكم وبعد :

قرأت ابيات جميلة في احد المنتديات واعجبني وصف هذا الشاعر وتحليله للرجال
وكأن لديه مؤهل اكاديمي في علم النفس البشري يقول :

رائعة من روائع الشعر الشعبي ..


بعض العرب ماينعطى وجه بالحيل
وليا عطيته وجه صار إلك عله

وبعض العرب ماله سنع لكن حليل
بالضبط كنّه لاتمعنت ظلّـــه

وبعض العرب شقرا وشقرا مع الخيل
ماينفعك لولا الرموش المظلّــه

وبعض العرب من وين ماجيت كوكتيل
في زعمه انه يفهم الكون كله

وبعض العرب فقري وله نفس زنقيل
ويعد نفسه دولة(ن) مستقله

وبعض العرب لويعجبك ثرثرة ليــل
وباكر ترى ماقال لك شيء للــه

وبعض العرب مرسال مدري مريسيل
يساير العالم وهو حاصــلٍ لـــه

وبعض العرب تلقاه بالحط والشيل
اما بغير الحط والشيل زله

وبعض العرب يسلخ وينفخ وهو ريل
سيفه نهار الكون يعجز يسله

وبعض العرب من غير بندق ودربيل
ومنين ماهب الهواء جـــايزٍ لــه

وبعض العرب يطلع كما طلعة سهيل
ويغيب نجمه قبل دربـــه تدلّـــه

وبعض العرب يوذيك بالقــال والقيل
تجلس معه ساعة والأخرى تمــلّه

نذل وخسيس يفصل الهرج تفصيل
وليا لقاله طيبٍا يسْتغلـــــــه

وبعض العرب نمام ملعونن ابخيل
يروح من شله ويرجع لشله

وبعض العرب مايمسك الا مع الذيل
اما بغير الذيل مانت ابلقله

وبعض العرب منظر وكشخة وتحليل
شبح بحال.. وحالا اخرى كورلــه

لاشفت زوله من خيار الرجاجيــل
واليا عرفته ماتجيه بمحـــــــله

وبعض العرب ماضيه ليلٍ على ليل
قد بصّموه وصوروه الأدلـــــــه

وبعض العرب لاوالله إلا تهــاويل
مهما عقدت الحبل لازم يحـــــلّه

قد دربوه ولكّعوه الرجـاجيـــل
ومن قبل لايصير الحدث حاسبله

والوقت هذا وقت بزنس وتضليل
وتعاف لابرقت دقه وجله

وصل الفروض ويقبلن التنافيل
وحافظ على حلتك كان الك حله

وكانك شجاع صحيح حارب اسرائيل
قبل اليهود القدس لا تستحــــله

وكلش يهون إلا الثلاث المهابيل
المهزلة والمسكنة والمذلــــــه


وكـلــش يـهــون إلا الــثــلاث iiالـمـهـابــيــل
الـمـهــزلــة والـمـســكــنــة iiوالــمــذلــه


الشاعر : عبد الله باتل الرشيدي